الى عشاق الابوذيه الولائيه في حب الحسين ع
الى عشاق الابوذيه الولائيه في حب الحسين ع
----------------------------------
صعد حبي السمه السابع ولفلاك
وادور ابدورة العاشگ ولفلاك
اقبلني يبو اليمه ولفلاك
لأن حبك جنون وصار بيه
++++++++
++++
+++
اجيلك زحف عالجدمين مامش
واخلي الدمع دم ايسيل مامش
غيرك بالگلب يحسين مامش
وصرت انته الهوه والماي اليه
+++++
++++
+++
بدرب حبك سره جدمي ولامل
واضل للموت من عشگك ولامل
نجاة انته يبو اليمه ولامل
شفيعي لو يزل الجدم بيه
+++++
++++
+++
يبو اليمه وحگ مسلم وهاني
احبك لاتظن حبك وهاني
بالمحشر سعيد آنه وهاني
شفيعي انته يبن سيد البريه
++++++
++++
+++
بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه
+++++++
+++++
+++
شجاه گاصي الوكت بينه بلانه
ومزن الجور زخ جوره بلانه
اموت بحب ابو اليمه بلانه
الف موته ومگول احاه شويه
+++++++
++++
+++
بحب حسين شرد اوصف وشملي
اسمه اموسّم بگلبي وشملي
بالمحشر لون شمله وشملي
انجمع واشكيله حبه شعمل بيه
+++++++
++++
|