قصيدة اسمعني الشاعر سراج السلطاني
لاتستعجل اسمع مني^^^^اسمع ياللايم وافهمني
حب احسين الفطرة الاصفة^^^^اشما نوصف مانوصل وصفة
من كل علّة العاشكَ يشفة^^^^عابس بيثارة ايعلمني
كل ذات ابحبك تتعلّة^^^^حرية الحب يمحي الذلة
جوهر نفسي يصبح اغلة^^^^لو أشعُر هالحب ايجننّي
ربنة الخالق وضّح امرة^^^^وخلةّ المصحف يلهج سرّة
اعظم سر هو امّة الزهرة^^^^فكر بالاول واعذلني
يارب اشهد حبيت احسين^^^^حبيتة ويشهد دمع العين
ومن مهدي اسمع صوت اونين^^^^ومافل ساعة مني حزني
الطم أشعر يلطم وياي^^^^صوت امن الكَاع ايهز اعداي
عاينتة ويطلع وجه الماي^^^^صدكَتة ابحزنة وصدكَني
لاتستعجل حقدك عوفة^^^^الوادم عند احسين اطوفة
ومحسوبة العباس اضيوفة^^^^والخدمة اوياهم تاخذني
أحجي اوية البال واتصور^^^^ودمعي ابيدة حزني اتكدر
وية الكَربة الشوكَ اتوذر^^^^وشال الحيل اورد عدّلني
صح أوكَع والغبرة اثيابي^^^^اجتل نفسي الاجل احبابي
خل افهم ساعات اغيابي^^^^وخل افهم يوفيلي ظني
لاتستعجل راجع أمرك^^^^وخلي الميزان ايكَر فكرك
ومنهو اينفعك منهو ايضرك^^^^هسة اتشوف اشكَد تشكرني
كلمات الشاعر
سراج السلطاني
5/1/2012م