الموضوع
:
ناظم الفضلي آل كريم -- و -- هذا السر الاهي
عرض مشاركة واحدة
#
1
03-26-2012, 07:42 PM
مديــر عام
لوني المفضل
Darkgreen
رقم العضوية :
1
تاريخ التسجيل :
Apr 2011
فترة الأقامة :
4822 يوم
أخر زيارة :
05-22-2024 (02:53 PM)
الإقامة :
الكاظمية المقدسة
المشاركات :
7,694 [
+
]
التقييم :
10
بيانات اضافيه [
+
]
ناظم الفضلي آل كريم -- و -- هذا السر الاهي
الشاعر ناظم الفضلي ال كريّم
نجمة وكَمر
هذا السر الهي - لافت انتباهي
مرض سجاد الحسين - سبب في نصرة الدين
هذا السر الهي
ــــــــــــــــــــــــــــ
حكمة بهالامر خلاها رب الكون - بالطف علي الساجد بالمرض مرهون
سر المرض حتى ال النبي يبقون - وما تخلوالارض من حجة شي مضمون
لذلك ربنه خلى - بعلي السجاد عله
انهدم من حيلة ثلثين - سبب في نصرة الدين
هذا السر الهي
ـــــــــــــــــــــــــــــــــــ
طبوا كربلا والمرض بيه اثر – وتاثير المرض كل يوم بيه يكبر
لحد مايوم عاشر صار مايكدر – طريح فراشه يسمع والده استنصر
نهض رغم المرض بيه – لبوه وجا يلبيه
بلا ناصر ولا معين - سبب في نصرة الدين
هذا السر الهي
ـــــــــــــــــــــــــــــــــــ
رده حسين للخيمه بكلب لاهب – يكله الحرب يبني عليك مو واجب
الك بعدي عمر رب العرش كاتب – حرب اعلام ضد الظالم تحارب
فضح دولة امية – والي تشرح قضية
وترك حرب الميادين - سبب في نصرة الدين
هذا السر الهي
ـــــــــــــــــــــــــــــــــــ
جيش من الخطب ابن السبط عده – عالظالم بكوفه وشامهم هده
كأن مو علي الساجد حيدره جده – خاب اللي سعى ان يوكف بضده
بصبر عمته العقيلة – وشجاعتها الكفيلة
جهدهم ذوله الثنين - سبب في نصرة الدين
هذا السر الهي
ـــــــــــــــــــــــــــــــــــ
صعد اعوادهم عن حالته افصح – بدى يعرف الناس بمحنته ويشرح
نسب نفسه ودموعة اعلى الوجن تسفح – انا ابن الضامي حتى ساعة المذبح
محمد هوه جدنه – ونزول الوحي عدنه
جعل اهله قرابين - سبب في نصرة الدين
هذا السر الهي
ـــــــــــــــــــــــــــــــــــ
لخادم المنبر الحسيني
ناظم الفضلي الكربلائي
20
زيارات الملف الشخصي :
1158425
إحصائية مشاركات »
المواضيـع
الــــــردود
[
+
]
[
+
]
بمـــعــدل : 1.60 يوميا
سيد عدنان الحمامي
مشاهدة ملفه الشخصي
إرسال رسالة خاصة إلى سيد عدنان الحمامي
البحث عن المشاركات التي كتبها سيد عدنان الحمامي