كافل اضعون الثوّار --- يحرس العيله
ابرايته اوسيفه البتّار --- يحرس العيله
يحميها يحميها --- من الخطر يحميها
ابرايته اوسيفه البتّار --- يحرس العيله
********************
اشدوّن التاريخ اقره --- اتشوف احداث ومآسي
اتشوف حكّام ومظالم --- تعبد وتهوه الكراسي
واسمع الجاهل اشيحـچي --- اليدّعي افهم سياسي
كلمن لزم دف الحكم --- ينقر على الدم والظلم
وعالكرسي يـگعد بالرغم --- ويصيح هالكرسي مقاسي
هالكرسي لتظنّه يدوم --- اصحه يانايم
وصوت الحق صاح اليوم --- اصحه يانايم
چاوينه چاوينه --- الينقذنه چاوينه
ابرايته وسيفه البتّار --- يحرس العيله
********************* 1
يظل صوت الحق ينادي --- وينتظر للفجر طلعه
ويهزم اليالي المظلمه --- ويعلـگ ابكل ركن شمعه
يطفي نار الظلم بيده --- ويمسح من العين دمعه
شفنه الفجر لمّن طلع --- وقانون عالظالم وضع
شو تالي هوّ اللي رجع --- وبس إله صارت الرفعه
التظلم چانت هالناس --- ردّت بديها
وللحق ماظل مقياس --- ردّت بديها
شيردها شيردها --- وينه اللي يردها
برايته وسيفه البتّار --- يحرس العيله
**************************** 2
يشهد الناريخ المن --- للذي ضحّت ابدمها
الثارت لأجل العقيده --- وشرع دين الله ابعلمها
وهذا ابو فاضل اشسوّه --- وي عضيده من اقتحمها
ماهمّته جيوش الكفر --- ولو حوّم عليها صـگر
ومن تسمع إبأسمه تفر --- اتحير ياهو اللي يضمها
ماتوگف ابوجها الـگوم --- تعرف ابسيفه
چن حيدر اعليها يحوم --- تعرف ابسيفه
ماتـگدر ماتـگدر --- الهالفارس ماتـگدر
برايته وسيفه البتّار --- يحرس العيله
************************ 3
تبقه ياابا الفضل شامخ --- رمز للعز والشهامه
بعلمك وفكرك الثاقب --- صرت للأمّه علامه
راية الكرار بيدك --- وحققت للحـگ مرامه
يالـچفّك ينول الصعب --- عاصفه اعله الشر من تهب
من اسمك عساكر ترتهب --- تشرد اتريد السلامه
صوت الحق والإيمان --- انته لسانه
وللطف صرت عنوان --- انته لسانه
تشهدله تشهدله --- عدوانه تشهدله
برايته وسيفه البتار --- يحرس العيله
**************************** 4
ماعشت تطلب اماني --- إنته ياراعي المناقب
والصعاب اللي ادحرتها --- ابعلمك وفكرك الثاقب
وكل معاره انته بطلها --- مو على تل وتراقب
تشهد الدنيه الموقفك --- احتارت اعداك اتوصفك
ابكل حرب تعرف مرهفك --- اشلون للباطل يعاقب
تعرف ابسيفك لو ثار --- كل الأعادي
اتعرفك ابن حامي الجار --- كل الأعادي
ينسوها ينسوها --- الـگنطره ينسوها
برايته وسيفه البتار --- يحرس العيله
****************************5
من سمع صوت العقيله --- فاضت ابصدره الحمّيه
اتقدّم اعله الـگوم يرعد --- بطل بـچفوفه المنيّه
غايته النهر ومراده --- يطفي نار الفاطميّه
من العطش صوّل ينتقم --- ماهمّته اسيوف اوزلم
من شافته ابهذا العزم --- عرفت اتصير الضحيّه
عافت النهر الفرسان --- صار ابيمينه
وحرّر من العدوان --- صار ابيمينه
شرّدْها شرّدْهل --- من الحومه شرّدها
برايته وسيفه البتّار --- يحرس العيله
************************* 6
هالنهر صار ابيمينه --- وحرّره ابهمّته اوزوده
وركّز الرايه اعله صدره --- ورغم عنهم مِلَه جوده
لاكن الأقدار حالت --- بين عباس وجهوده
هالقدر غيّب للـگمر --- والجود ظل اعله النهر
ومخيّمه طال النظر --- يرتجي يوفي ابوعوده
اعله النهر نايم عباس --- فايض ابدمّه
صوّبوا جوده الأرجاس --- فايض ابدمّه
شيردّه شيردّه --- من النهر شيردّه
برايته اوسيفه البتّا ر --- يحرس العيله
*******************************7