يبني العسكري يالمهدي يمته الثار
طيحـوهـا النواصب گـبـة الأخـيـار
يـالمهــدي أبــوك وجـــدك أيـنــاديــــك
ساكـت عـالجــره والصـار شمخـلــيــك
الـوعـد ربـاني يالمهـدي وأظـن يـاذيـك
هــذا الـلـي جــره يـاســيــدي والـصــار
عـلـى نــار الـظــلالـه وعلت الـتـكـفـيـر
ويـنـك يـالغـبــت وتـشاهــد اللي يصـيـر
مـراقــدكـم تـطـيـح بــلـوعـة الـتـفـجـيـر
وآيـــات الـمــراقــد عــالأرض طــشــار
انته الـنـور والحجـه أعـله هاي الناس
وانته الحـكمه بـيـك وكل عـدل ينـقـاس
يـل حــامــل لـــواء وغـيــرة الـعــبـاس
گـوم أنهـض وطـفـي بنص گـلبنه الـنـار
تظـل هـاي الفـجـيـعــه والگـلـب مالــوم
تجرعـنا الغـصـص وهـموم يابـو هموم
گـبـر جـدك يغـايــب والأبـــو مهـــــدوم
مـن فـعــلة أمـيــه وگــومهـا الأشـــرار
الگــوم الهـشـمـت ذاك الضلـع بـالـباب
نفـسها الطــبــرت الكــرار بــالمحــراب
السامـره أجـــو هــالمـره عـالأطـيــاب
فـجــروا گـبــة الـهــادي عـلى الــزوار
بـدمعـنـا أنـادي هـالـيــلـه بـألـم عـبــره
لأن شاهـدنـا نـــور ويمشي بالحـضره
أجـتـي مــن البقـيـع وحـضرة الـزهــره
تـنـــادي أولادي وتصب الـدمـع مــدرار
*************************
انعه امصابك يـابـو المهـدي
****************
أنـعـــاك بـلـــوعــة أحـــــزاني
و أذانــي امــصــابـــك أذانـــي
يـالــنـورك يــزهــي و ربــانـي
محتار وياك منين أبدي
***************
يابــو المهـدي بـلــوعــة همك
ابــچـيــلـك يــالــنــاذر دمـــــك
شلـون الطاغي بحـقـده ايسمك
والحادي بهذا الهم يحدي
***************
والسـمـك والخــلـص عـمـرك
رد بـحــقــده وهـــدم گــبـــرك
والعالـم والــدنــيـه اتـنـظــرك
شحچي وشتكلم ما يجدي
*************
هـاي الأحــقــاد ومـعـــروفــه
والــواقـع هـالــدنـيـه تشوفــه
لـلـنـاس وصارت مـكـشـوفــه
يالتسمع وعرف كل قصدي
************
قصـدي الـدار اللي شافــوهــا
تــزهي بـأنــوار وحـرگــوهــا
ردوا للگـبــه وفـجــروهـــــا
رادت أول ناس التبدي
***********
تـبــدي بـأول بــاب وعــصـره
والــنــار بــدارچ يـالــزهــــره
وصلـت هـالــنــار الـســامــره
وهاي النار الصابت وجدي
***************