بالروح بالروح * بالروح مولاي الحسين
**
جينه مشايه بلهف سبط الامين * والدمع فوق الوجن نصرخ حسين
تفتخر تزحف الك هالمؤمنين * مصيبة العاشر تعيد الاربعين
ويعود ويعود * ويعود بينه هالحنين
**
عدنه جن زينب تعود امن السبه * ونحي ذكرك والمصيبه الراتبه
ومن تعاين يالموالي موكبه * روحه فدوه خامس اصحاب العبه
مشاي مشاي * مشاي عزمه مايلين
**
موج من الناس واست فاطمه * وشعر من ادموع حبك ناظمه
وجرحك ابجرح الموده نلثمه * وكل عزانه للزجيه انقدمه
والنوح والنوح * والنوح واسه ام البنين
**
لا تعاتبني يعاذل باللطم * حسين جرح ومستحيله ينلجم
ما توفي مصيبته احروف الكلم * ريت ظلعي دون ظلعه ينهشم
ياريت ياريت * ياريت دونه مجدلين
**
جن لهيب الروح نمشي عالجمر * وباللطم اسم الحسين ابهالصدر
انا راسي جن عيون المنتظر * لو جبيني بسيف حبه ينفطر
بدماي بدماي * بدماي مخضوب الجبين
**
الشعاير رايه رفت بالطفوف * جسدتها واقعه بيض السيوف
والله بالتطبير اعجاز ونشوف * نواسي زينب والحسين او بوالجفوف
حيدر حيدر * حيدر بأسمه مطبرين
علي الحمود 10محرم 1433
4/1/2012