ام البنين الاربعه * ام البنين الاربعه
مثكوله من الفاجعه * ام البنين الاربعه
***
ام اوتولاها الدهر * بثلث كواكب والقمر
وجمرة دليل المستعر * ذبلت من الهم والقهر
وعله الحسين الجازعه * ام البنين الاربعه
***
شلي بعد عدها قلب * تصبر على الخطب الصعب
وللباري همها تحتسب * بفقد الكواكب والشهب
وشمس المضيه الطالعه * ام البنين الاربعه
***
من ساعة الجاها النعي * بفعلة غدر ابن الدعي
مذهوله خاصمها الوعي * وعند المقابر تندعي
وتبجي الليوث الفازعه * ام البنين الاربعه
***
لاربع مقابر لو نعت * اهل المدينه اتلوعت
مفجوعه والناس افجعت * لارض البقيع امن اطلعت
اربع مقابر صانعه * ام البنين الاربعه
***
خامس قبر من تلثمه * صوب الوديعه فاطمه
نحر او ضلوع او هالدمه * وسهم لمثلث والضمه
تعد الحسين او مصرعه * ام البنين الاربعه
***
لو حنت ايحن الصخر * وتبجيها نجمات السحر
عل هامه والجف والنحر * خلدها ونها بالدهر
بعين المصيبه الدامعه * ام البنين الاربعه

علي الحمود
28/11/2011
2/محرم/1433 هـ