تناديك العليله * يمن نبضي دليله
اذا يمشي ضعنكم * يضل قلبي يونكم
يمن نبضي دليله
***
عليله وحالي تبجيه الخواطر * طريحه وعيلتي عني تسافر
دليلي الشال بضعونه يهاجر * وخلوني عليله وراحوا عني
اظل ليلي اونهم * وعلى بالي ظعنهم
يمن نبضي دليله
***
على باب الامل وعيوني تربي * تجيب اهلي بسلامه ارجو ربي
هاللي سافروا ثكلولي قلبي * عليه اشواق من يحجيها وني
بعد غيبت حسنهم * بزغ بيه ذكرهم
يمن نبضي دليله
***
لهيب الروح جمراته عظيمه * وألحالي الالم صاير حميمه
على هاي السفر اصبح يتيمه * ودهري بهالمشي منكم حرمني
اذا رفرف علمكم * على ينزل يتمكم
يمن نبضي دليله
***
اذا ساعه غشه هالنوم جفناي * جان بهالركب يابويه منواي
عليله ومن مشيتوا مبعد ادواي * بعد شلي بدوه ودهري امتحني
امتحني الى امتحنهم * وظلمني الى ظلمهم
يمن نبضي دليله
***
لو حنيت راسي من يمسحه * ومن لي عالحزن لو رفلي جنحه
كل وقفه تلتها بسعيي طيحه * وين ألجان من اعثر يلمني
يهاليشفيني لمهم * سعر بيه ألمهم
يمن نبضي دليله
***
طارش بالدمع للطف اودي * عل السافر او لدياره يحدي
اثار المرض يرويها خدي *يارحمة دليلي المارحمني
حرق قلبي فقدكم * شلي بعمري بعدكم
يمن نبضي دليله
***
علي الحمود
11/2011