بسمه تعالى
سلام عليكم
اسئل الله العافيه جميعا
--
--
ابوذيات -- ميمر --
--
--
للشيب كل أم ذخرته لبناها
سهرت وتعبت رضعّت لبناها
رمله تشوفه منذبح لبناها
وعبرتها ظلت بالصدر تتكسر
--
--
تسمعها لو ونت گلب لاحنه
من شافت اسيوف العده لاحنه
جسام لازفة عرس لاحنه
وتشوفه أمه اويه الضحايا امطبر
--
--
صاحت عسى ايمين اليطعنك شلها
لجروح فگدك گوم يبني شلها
بيمن اصبر الروح بعدك شلها
غير البواچي اعليك ما اتخير
--
--
ماريدها اسنين العمر ماردها
جسام أخذ روحي وبعد ماردها
مطلوبه أمك هالحزن ماردها
وشلون للفگدت ظنه تتصبر
--
--
مرّ الصبر آنه جرعته والهم
فگدك يجاسم بس بواچي والهم
ناس الذي حرمتني منك والهم
الجدك محمد هالعده شتتعذر
--
--
عيني اعله دربك يالوحيّد بسعود
لاتظن يبني اتعيش أمك بسعود
غصني ذبل فگك غداني بسعود
ومن النواظر دم ييمه اتفجر
--
سيد عدنان الحمامي
|