مه تعلى
سلام عليكم
---
--
علگوها الجسام الشمعه
---
علگو الشمعه وعجنو الحنه
عريس ورايد يتهنه
أمه اللي چانت تتمنه
تحظر وتزفه كل ربعه
----
كل ربعه فرحانه اوياها
مسروره بگرة عيناها
مارادت شي من دنياها
بس هلهوله ابعرسه اتسمعه
----
هلهوله وأمه امحانيه
وخضره اللي عگدتها الرايه
صاحت من يفرح ويايه
بوليدي وبخدها الدمعه
----
دمعة ام أوحّيد عدها
وجاسم بالطف امواعده
انشودة نصر ايرددها
وتعب الام اقسم ميضيعه
----
گاللها عد عينچ يمه
ابنچ يفدي الروح العمه
وخل يتحنه اليوم ابدمه
وجسمي اسيوف اعدچ اتگطعه
----
أتگطع جسمي وعالحگ ابنچ
يمّه وما ارضه ايهل دمعچ
الله اوياچ وآنه امودعچ
وبياحال الام اتودعه
---
ودعها وراح الميدانه
جاسم يرهبها الفرسانه
حگها الام حگها فرحانه
للعسكر من شتت جمعه
----
سيد عدنان الحمامي
|