أنه الزهره تشوفك يالمحب عيني

كل مآتم أحضره البيه تواسيني

--

وين اللي يهل دمعه عله أمصابي

ويذكرني ابهظمتي وشدة أصوابي

أنه المني ضلع يتهشم أبابي

يمظلومه أريدك من تناديني

---

ناديني يمظلومه أبدمع عيناك

اسمعك يالمحب بالمآتم آنه أوياك

وباچر لاتظن من تنلحد أنساك

گبل ماتنزل ابلحدك تلاگيني

---

تلاگيني علّيه يلتهل دمعه

بالوحشه دمعتك هاي الك شمعه

تدريها المحمد فاطمه بضعه

وياذيك الذي يالمحب ياذيني

---

ياذيني الذي للمحب من آذاه

باچر بالحشر اتخاصم آنه أوياه

شفيعه الكل موالي ولله ما أنساه

احظرله گبل ميصيح حضريني

صداح ال محمد

احسنت كثيرا

اسئل الله ان يرزقنا واياك بقضاء الحوائج

وبشفاعة الزهراء ع بعد مرضاتها علينا لأن

رضاها رضا الرحمن

الحمد لله الذي جعلنا واياك من الموالين لها

موفق ان شاء الله

لك تحياتي ودعائي

وربي يحميك