|
الى مولاي الامام الحسين ع سيد الشهداء اقول (207)
الى مولاي الامام الحسين ع سيد الشهداء اقول
(207) &&&& ياهو مثله هل خلد واصبح سعيد..وصار بالجنه الزهيه اعظم شهيد &&& ياهو مثله حسين وبهاي البشر..سيد الشبان ربك من امر حسين بجه الكون كله والصخر..وناحت اركان المدينه والحديد &&& حسين وبعاشور مثل كل وجود..وصاح كلا بصوت وتعده الحدود رسخ اركان العقيده بكل صمود..لا ابايع كال كلا للعبيد &&& حسين شمس الله الجبيره بكل زمن..حسين سور وحصن ولهذا الوطن حسين لو نتخاه تفتك المحن..بحصن داره اطلبه وشما تريد &&& لجله ناح الكون عشره بعاشره..وانحجب نور الشمس عن اخره يتعرف من شاف هذ اللي جره..كل سنه وكل عام بينه من تعيد &&& ندري بحسين انوضع سر الحياة.. اسمه مكتوب وهلك كل الطغاة هوه باب الله واسع للنجاة..بيه اسرع توصل ان جانك وحيد &&& حسين موش حسين بالهين تكول..حسين ثمرت ربك وصارت اصول حسين هز الكون وكفه العقول..حسين من نور الجلاله ظل فريد &&& حسين قمه عاليه وفوك القمم..حسين رمز الكون كله والامم حسين تتباهه بخدمته الكل خدم..شانه يعله اللي خدم بأسمه يريد &&& حسين مفتاح الخليقه بكل عصور..اسمه باقي عل البشر حد الظهور يحمله الباقي من نسل الغيور..يصير شاهد عل البشر وهوه الشهيد &&& خادم اهل البيت ابو علي السعيدي |
| الساعة الآن 12:49 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010