احنه لجل احسين كلحنه فداء
 

احنه لجل احسين كلحنه فداء..احنه بس لحسين منطينه الولاء
&&&
احنه بس لحسين يجمعنه المصاب..بكل سنه وكل عام يزداد الثواب
الجنه مفتوح بسجل بيه الحساب..والسجل مفتوح للينصب العزاء
&&&
ياشهر معروف من كل الشهور..ياشهر عاشور حرمة كل غيور
يذكر امصابه القدمه النحور..ويعطي من ماله جزء من السخاء
&&&
شما تقدم يابشر لو تنطي روح..لو علت بيك المصايب والجروح
انت لجل حسين مخلوك وتنوح..وتدري انته اتنوح وتنوح السماء
&&&
ياللي عندك معضله ورايد تزول..اتعنه يم حسين تلكاهه الحلول
اخدم انت حسين كلمه لاتكول..الخدمه هيه اتزيل انواع البلاء
&&&
عشرة ايام بمحرم كل سنه..تعادل ازياره وتطوف انته بمنه
هذا محصول العمر كلمن جنه..هاي ايام الذخر يوم الجفاء
&&&
هاي ايام العمر لاام البنين..بيه تنطي امراد لليخدم حسين
اطبخ الطم واهمل الدمعه باانين..دمعتك من الله هم بيه الشفاء
&&&
دمعتك والخدمه هاي اكبر دليل..انت وي احسين كونك ماتميل
تعزي الحوراء بمصاب الكفيل..تعزي سيد الكون باطراف الدعاء
&&&
تعزي سيد الكون والزهره البتول..تواسي رب الكون ولطه الرسول
ترجه انت اليوم بالخدمه القبول..من تصيح احسين يسمع هالنداء
&&&
النداء اليرتفع بصوت الحسين..يبقى يعله عل المنابر بالسنين
هاي صرخه وداويه عل الظالمين..تكبر بكل عام يزداد البناء
&&&
تكثر بكل عام خدام الولي..ويعله بيه الصوت وتنادي علي
امي واخواني وبناتي وكل هلي..احنه اسود نلبسه بيه الرداء
&&&
خادم اهل البيت
ابو علي السعيدي