:: منتديات السيد عدنان الحمامي ::

كعده اسم القصيده ( ليله واخر وداع للاكبر)

=========================

يبني يلاكبر**هذا اّخر وداع وياك

نادته ليليـــه**يبني لاتظن انســـــاك

----- هاي اّخرساعه بيها أودعنــــــّك

ارحم دليلي ** من تجي فرحي ملكاك

**************

روح يبني وكلبي اخذه ** وساده خله تحت خدك

وسمع او نينه ودعاءه ** بلجن البـــــاري يردّك

ياعلي هل اليوم اريدك ** بيه لازم توفي عهدك

يبني وترد الخيمتي

وطّفي جمرة لهفتي

وتواسي يمّه دمعتي

وعني لانكطع ودّك

من جف نبينه** ترتوي ماي الحياة

هذا وعدنه** نعيشه من يوم الممات

----- سيوف اّل أميّه مايرحمنّـــــــــك

ارحم دليلي ** من تجي فرحي ملكاك

*************

اخذ درعــــــه وشال سيفه ** اوادع امه والعقيلــه

ابكل عزيمه مشه النصره ** وحب ابو اليمه دليله

وسيفـه كص اركاب جانت** طايعه يزيد وذليلــه

شبه النبي لمن هجم

من سيفه ماواحد سلم

جندلهم او رد للخيم

ايناشد حسين الوسيله

شابكه لحسين ** من دمه صب الدموع

روح ابو اليمه ** وكلبه مابين الضلــــوع

----- غصبن عليّه وكوّه ابعدنّـــــــك

ارحم دليلي**من تجي فرحي ملكاك

**************

هجم مثل الشطــر مرحب ** هاي يمناه وغضبها

اتوســـــــط الميدان فارس ** كلوب عدوانه رهبها

الموت منّه بضربه وحده ** مايثنّي لوضربهــــــا

وبكر ابن غانم من ظهــر

وحسين شاف ابنه ابخطر

لحظة وداع أويَ القـــــدر

روح ابو اليمه شعبهه

يَم علي ناده** سالم ادعيله يرد

وألي رد يوسف **أيرجعه علينه نود

---- سالم ياريته ربي ايرنّــــــــــــــك

ارحم دليلي ** من تجي فرحي ملكاك

*************

من رجع والنصــر بيده ** راس ابن غانم وذلّه

ناده ابوه المــــاي اريده ** جائزه والدمع هلّـــه

هاك احذ محبسي اتروه ** عله ألسانك يبني خله

ثكل الحديد الاتعبـــــه

والعطش جبده ذوّبــــه

من وصل هاي المرتبه

خوفي لاينكطع وصله

ناده ابو السجاد **الجائزه منك اريد

يابوي اجهدني**العطش وثكل الحديد

----- من دمع عيني يبني اشربنّـــــك

ارحم دليلي **من تجي فرحي ملكاك

**************

نار تلهب وسط كلبــــه ** وتعب هد الحيل منّـــــــه

اتولته سيوف المنايـــــا ** سيف طبره ورمح طعنه

كبر جرح حسين ودمه ** من توّذر علي ابنـــــــــه

اعتنه الامه وعمتّـــه

والدمع دم من مهجته

نيران تسعر جبدتـــه

شنشده للولي عنّه

هذا اخر عهدي **منكسر كلبي وحزين

شيّبت كلبي**وشيّت راسي السنين

----- يبني هم أنسه من صدك ظنّك

ارحم دليلي ** من تجي فرحي ملكاك

*****************************************
بقلمي (( خالد محمد مهدي الحجار ))