:: منتديات السيد عدنان الحمامي :: - الزهراء وجفوف العباس عليهما السلام

كعده اسم القصيدة الزهره والجفين)

=============================

الزهره بـدمــع العين** حضنت الجفيـــــــن

الضحت دون حسين** الضحت دون حسين

ليمناه ويساره // اتنادي ثـــاره

*********

شالت جفوفه الكريمـــــه ** بالحشر وتنادي ربهه

عيون كـــل الناس شافت ** أتريد تسأل عن ذنبهه

جفوفه لجل حسين دنكت ** حتـــــه لجفوفه تحبهه

تكريم هذا ألخوّته

من شبك خدّه تربته

عيونه اعله جوده ورايته

هاي روحه وهيج ادبهه

تواسي ام العباس** ابفكـد الفرّاس

بموقف مانقــــاس** رفعه وشيلت راس

أتحشم بأ نصاره

اتنادي ابثـــــاره

الزهره بدمع العين

********

ام حســن وحسين امّه ** تدري بيه اشــلون ضحّه

طشف عن حسين ليله ** وجابت الجفين صبحــــه

صارت الرايه أو جوده ** ابكربله شامخ ابصرحه

لعهوده جفينـــــــه وفن

وكت الشدد عند المحن

غاب الكمر عن الضعن

وعين ماشافت الفرحه

سألواالهواشـم ** زود الضياغم

قدّم ملاحـــــم ** قدّم ملاحـــــم

فخر اقتداره

اتنادي ابثاره

الزهره ابدمع العين

*******

كل نبي وكل وصي امّه ** أيوّضح اعله الناس حجته

وعنده اهـل الثقه التنشر ** كـــــــــل تعاليمه ورحمته

حسين عنده ابو فاضـل ** تحت امره وبخدمتـــــــــه

عبـــــــاس ينده سيدي

ابروحي روحك افتدي

ارخصلــي حته ابتدي

وبذل دون الحق مهجته

لابــــد هذا اليوم ** ينصر المظلومٍ

يكشف عنّه هموم** يكشف عنّه هموم

عهده اختياره

اتنـادي ابثاره

الزهره ابدمع العين

***********

خِـــدم مولاه وعضيده ** طبع اخـلاق ابو فاضل

ينهض الامره ابسعاده ** ايضحي روحه بالمقابل

هذا عهده من وصينه ** طاعــــه حد للموت قابل

الهليوم سبع الكنطره

رباّه حيـــدر حضّره

الكربلـه حيله يذخره

ويكف وكفات البواسل

رايــــه بيمينه ** ايدافع عن دينه

بصدقه ويقينه ** بصدقه ويقينه

بيمناه بتـّــــاره

اتنــادي ابثاره

الزهره ابدمع العين

*********

اليزور حســـين زاره ** وبابـه دكهه كبل بابه

اليطلب الحاجات منّه ** عند ابو فاضل جوابه

هوّ يتلكـــــه اليضيفه ** عن ابو اليمه النيابـــه

للحاجه بابــــه مايسد

عالنيه ينطي والقصد

ببشارتــه الزاير يرد

وكل اسامينه بكتابه

اشمهما الدنيه ادور** بالظلم وبالجور

مايطفــــــــه نوره ** مايطفــــه نوره

انردد شعاره

اتنادي ابثاره

الزهره ابدمع العين

**************

تنشب حروب ومعارك ** الكل حرب غايه ومبداء

كربلـــــــه ام المباديء ** تنتهيله ومنّـــــــــه تبداء

جيش جند الله ورسوله ** وجيش بيه الاذل وأرداء

بالغاضريـه من التقن

فيض المباديء البقن

بدرب الشهاده أورقن

والردي من العمل يصداء

كلمة حك تنكال ** ابوكفات الابطال

أروع الامثــال ** أروع الامثال

اهل الصداره

أتنادي ابثاره

-الزهره ابدمع العين

******** *********************