:: منتديات السيد عدنان الحمامي :: - عالمشي احنه قسمنه..لويفجرونه بعهدنه؟نداء الزوار اقول

عالمشي احنه قسمنه..لويفجرونه بعهدنه
&&&

لويفجرونه عل حبك..مانعوف حسين دربك
مانعوفك وحق ربك..مانعوفك عهد عدنه
&&&
احنه كل عام ونجيكم..من بعيد ونعتنيكم
بشوك وبلهفه عليكم..مايهمنه اللي يضدنه
&&&
نواسي الزهره الزجيه..وزينب الحره الابيه
ماتهزنه الناصبيه..الموت مايكدر يهزنه
&&&
شلنه اجفان المنيه..جينه نتلكه السبيه
ارواح قدمنه هديه..لليفجر هذا ردنه
&&&
شما تدور الدنيه بينه..نواسي حيدرنه ونبيه
زحوف مولانه اجينه..للضريح يصر حدنه
&&&
خل تنزل هالدماء..بيهه توقيع الولاء
يرتفع مني النداء..والكم احنه افدينه دمنه
&&&
احنه نتحده العده.. نصيح صوت نردده
ارواحنه الكم فده..والمشي وهذا جهدنه
&&&
جينه نمشي زائرين..هذا يوم الاربعين
مانهاب المجرمين..حتى لو بنكص جدمنه
&&&
ينضحي لحسين بدمانه..اليوم من نعلن ولانه
بالزياره اسمع ندانه..ويانه نسوان اوولدنه
&&&
خادم اهل البيت
ابو علي السعيدي