:: منتديات السيد عدنان الحمامي :: - هذا ياعيد الاجاني..بويه منه اشكد اعاني؟لسان حال الحوراء ع اقول

هذا ياعيد الاجاني..بويه منه اشكد اعاني
هذا يايوم الجرح ..طاح بيه اعظم صرح
طاحت السبع المثاني
**************

هذا ياعيد الاعيده..وعيدي بيه اكبر مصاب
نزلت الدمعه عل خدي..وشكت بعيني الحجاب
وسمعت رمضان صوتي..وجان مني هالخطاب
واسمعت صوته ينادي..وجاني منه هالجواب

انه مثلج هم حزين..بكثر دورات السنين
وعندي هوايه المعاني
*****************
يشارك الليل بدموعي..وحسره والاه وانين
اسهر وي الليل اعاتب.. اذكرت هاي السنين
راح من عندي ابوي..الجان ربان ومعين
وصه وجانت وصيه..بيه من وصى الحسين

زينب وياكم وصيتي..اسمعو يااهل بيتي
بيه تحقيق الاماني
******************
بويه من عكبك وحيده..ياعلي يامن تجير
فكد امي يعز عليه..وفكدك مصابي الجبير
انت ياروض الجنان..المنه اشتم العبير
اشلون ترضاه يحيدر..بهمي وبجرحي احير

حيره ياحيره العليه..بويه بهاي المسيه
النوح والهم الولاني
********************
داري يابويه حزينه..وكل ركن يسالني عنك
انت يالكلبك حنين..وادري هم الناس همك
شرف المحراب صوتك..وخضبه من نزل دمك
تنتظر عيد اليتامه..وباليتامه جان حلمك

جانت واخر وصيه..كلت يابويه اليه
كلت لو موت الخذاني
*******************
ضلمت الدنيه بعيني..وكلت عالدنيه العفى
خاطبت ربي الجليل..وصحت جدي المصطفى
راح ابوي اليوم مني..النور من عيني انطفه
انت ياشمس الولايه..انته يالبيك الشفه

اليوم تبجيك البريه..انت امام الجعفريه
بويه يومك هل عماني
******************
خادم اهل البيت
ابو علي السعيدي