لنصرة عراق علي والحسين ع وجيشه البطل وتلبية نداء المرجعيه
 

بسمه تعالى
لنصرة جيشنا وعراقنا الجريح وتلبية لنداء المرجعيه العليا في النجف الاشرف
\\\\\\\\
\\\
--

حي ابن العراق بعينه صورة طيب
............ والنخوه اعله زنده الشرف راسمها
عراقي ابن المظايف والدلال اشهود
............. لضيوفه بسخائه دوم يكرمها
دولها التنتخي امن العوز چانت بيه
............. كل ذيچ الدول من قوته يطعمها
عراقي اللي حمل راية علي وحسين
............. عيون العادته امن النوم يحرمها
وبجبهة ظميره اتشوف خط اسماء
............. من بحر المجد لسطوره ناظمها
عراقي ابن التهلهل لو اجه بتابوت
............... وبساحة شرف لو مات ميهمها
نگطه بوسط گصته الغيره لا مطيح
............ الف موته يموت او مايسلمها
نگطة شرف بيها راضع الطيبات
............. يثبت بالملاحم يوم موزمها
حقه ايرجعه لو صار فوگ اجبال
............. يصعد للقمم وجبال يهدمها
ياداعش اشجابك شنهي انته منين
............. يادولة تبن بعراگي قايمها
مو هذا العراق وألله من يغتاض
............... روس ابروس غيظه ايگوم يردمها
ولو صاح العراقي بصوت ها لبيك
.............. بصرخة ياحُسين اعداه يرجمها
نفني داعش ونفني الذي آواه
............. وناس اللي تحظنه كون نعدمها
وطن هذا وعلم ويحكمه هالدستور
................ اشتطلب ناسه گلي اشجابك اليمها
كلها بچفه عاشت والوطن چادود
................ وكل هاي الطوائف چفه اليلمها
والعينه وكيحه وغصب هاي الگاع
............... ايده ورجله من اخلاف نگطمها
ياجيش العراق اوياك كلنا اوياك
.............. بوحله هالدواعش لازم انطمها
والخانت وطنه يبقه هالتاريخ
.............. الف لعنه يظل يلعنها ويذمها
........... سيد عدنان الحمامي .......

عاشت اناملك الذهبية سيدنا الغالي