:: منتديات السيد عدنان الحمامي :: - هوسات الى العراق والدين..ضد الدواعش ؟الان اقول وليد اللحظه

نذرنه ارواحنه للموت وفايه
وخل تسمع هالنواصب هاي الحجايه
تطوعنه شباب وشيب ندافع عن الولايه
وبراية علي الكرار توكلنه فد رايه
ويانه..هالرايه تقاتل
*************

التمت هالزلم وتصيح وتنادي
شحد اليوصلج كبة علي الهادي
هبينه اخوتي ووربعي واولادي
وحفلت كل زلمنه وديرت ابلادي
الكاع النه وماننطيهه
**************

من ناده السيد والخبر جاني
كالو عل العراق افته السيستاني
واجب عالبشر وكلمن الوالاني
يدافع عل العراق ويطرد السفياني
وعلينه ..واجب تنفيذه
***************

هبت هلزلم من مختلف اعمار
وحلفت بالجليل وماتطبه الدار
احنه للعراق السند والانصار
محروس البلد خل نطرد الاشرار
ونفنيهه..ياكومك داعش
***************

من ناد الضمير وصوت هالحره
من طكو الموصل دمعت البصره
شنهمه الداعش وقاعده ونصره
شدينه الحزم وكل ظهره انكسره
ياويله ..اليوصل حدنه
***************

من ذي قار اسمع هالنداء الصاح
حدينه السيوف وحضرينه ارماح
كاسبنه وعامل شيخنه وفلاح
نذرنه للوطن والدين هاي ارواح
ونفديه..ياديرت حيدر
***********

خادم اهل البيت
ابو علي السعيدي