يبوم ميلاد الامامه..ظهرت وشفنه العلامه>الى الامام الحجه عج للولاده اقول
 

الى الامام الحجه عج للولاده اقول

(218)

يبوم ميلاد الامامه..ظهرت وشفنه العلامه
يغاينه يغايبنه يغايبنه
****************
اليوم ميلادك ولينه..نفرح ونبصم باادينه..تدري شواجب علينه
اليوم نرفعه الظلامه
يغايبنه يغايبنه
****************

الما يبايعكم نعوفه..بعين وحده مانشوفه..احنه نعرفه ضروفه
هذا بعيونه غمامه
يغايبنه يغايبنه
****************

زينه علكنه احتفلنه..اني واخواني واهلنه..اليوم بالصوت وعلنه
فرحتي بيه ابتسامه
يغايبنه يغايبنه
*********************

اليوم من بعد الحزن..وعكب ماانوح واون..انبايعه امام الزمن
نريده ايسله حسامه
يغايبنه يغايبنه
******************

استمع مني شكول..اليوم اعلن بالقبول..بيعتك يبن الاصول
اليوم ميلاد الزعامه
يغايبنه يغايبنه
********************

فرحتي كلش جبيره..اني واهلي والعشيره..فرحت ويانه الديره
فرحتي لااهل الشهامه
يغايبنه يغايبنه
*********************

شعيتك تنادي وتصيح..عليك ياابن الذبيح..متى احنه نستريح
متى ترفعه الغمامه
يغايبنه يغايبنه
*****************

خادم اهل البيت
ابو علي السعيدي

الاخ الغالي
والشاعر الكبير السيد عدنان الحمامي المحترم
مروكم الكريم اسعدني وكلمات الاطراء الجميل
وفقكم الله لكل خير
تحيات
اخوكم
ابو علي السعيدي