كظه الكاظم سنينه وعمره كله بالسجن..الى سيدي ومولاي الامام الكاظم ع اقول
 

الى سيدي ومولاي الامام الكاظم ع اقول

(155)

كظه الكاظم سنينه وعمره كله بالسجن
عابد وساجد بليله وماشكه لحظه ويون
ينده يصيح علي..صوته تسبيح علي

قصص للكاظم ارويلك استمع مني..عن بشر اروي استمع ذني
طبل جان يصيح ابيته ويغني..سئل خادمته خل يتعض عني

لو عبد جان استحى وسجد للباري شكر..باللهو يكظي حياته هذا التسمه بشر
يبجي مستحي..وينادي الولي

قصص من واقع حياته اروي للكاظم..بالسجن مسجون يخافه الظالم
ينطي للكل النصيحه حتى الحاكم..يعرف السر وخفيته وربه العالم

كظه الكاظم حياته وماعرف شنو الحياة..زهد كل الدنيا منه وخوف راكان الطغاة
ينطي حكمته..الكل هابته

بالسجن خلو وياه سجانه..حطو بسجنه وحده عريانه
انقلبت اعليهم هيه ندمانه..تابت وكالت شكري مولانه

تابت وعلنت ندمهه وطلعت بثوب العفاف..واجهت ظالم عصره ومنه ابد ماتخاف
يمه امنت ..والتوبه اعلنت

وبزمنه الصار شاهد ومشهود..يروى المنبر عن حدث موجود
بالنظر تعمى ولنظره يعود..صلى بالكاظم وصاح ياابو الجود

بنتي معميه واجيتك خادمك هاي السنين.. استمع صوتي ينادي دوم يصرخ ياحسين
انته اللي حضر علي..أترد النظر علي

هل المعاجز يالبشر اسمع..هذا ابو طلبه الكاظم اله اتضرع
ينطي امراد اليزور كبل مايرجع..هوه من اهل الفضيله الك يشفع

ينطي امرادك يشيعي زوره ويمه استريح..صيح اله بصوتك وكله انت ياابن الذبيح
ينطي الزاره..مراده بااثاره

خادم اهل البيت
ابو علي السعيدي

الاخ الغالي
والشاعر الكبير السيد عدنان الحمامي المحترم
مروكم الكريم اسعدني وكلمات الاطراء الجميل
وفقكم الله لكل خير
تحيات
اخوكم
ابو علي السعيدي