ابوذيات لا استشهاد فخر الكائنات الرسول الاعظم محمد (ص)
 

ابوذيات لا استشهاد فخر الكائنات الرسول الاعظم محمد (ص)
(1)



ارياج الشرف بودادك..نبلهه
علينه شما كثر طعنه..نبلهه
غيرك ماكو لللامه..نبلهه
يخاتم هالرسل انت الهويه

وحك حيدر علي ورسله..وطاهه
الشفاعه لاأمتك ربك..وطاهه
اركاب العاليه شخصك..وطاهه
محمد من نشر دين البريه

محمد شافع لدينه..ولا امته
نريده يحضره اسلاحه..ولا امته
متى تظهر يغايبنه..ولا ا مته
نظل نتناك كل صبح ومسيه

رسول الله الرفع للاسلام..رايه
وهديهه وحده الاكوان.. رايه
يخفف حملك ولو زاد..رايه
مثل زبد البحر يزيح الاذيه

رايات السلم طهه..نشرهه
بعزم وبزود كل مؤمن..نشرهه
عليه المادخل دينك..نشرهه
وتخلف مادخل حصن الزجيه

الجزيره اتشرفت باسمه..وهلت
وبعده اقمار للعتره..وهلت
يوم الترب بمصابه..وهلت
دموع العين وجفوف الزجيه

المسلم يومك مصابه..من نعاني
وبعدنه بشوك حبك..من نعاني
عليكم نطلم ونبجي..من نعاني
ولاهمني الجره والصار بيه

خادم اهل البيت
ابو علي السعيدي

الشاعر الرائع
السيد عدنان الحمامي المحترم
مروركم اسعدني وفقكم الله لكل خير
منتمنيا لكم دوام التوفيق لخدمة القضيه
الحسينيه
تحيات
اخوكم
ابو علي السعيدي