يارايح تزور كاصد كربله؟الى زوار الامام الحسين ع اقول
 

يارايح تزور كاصد كربله

يالكاصد ويانه..لسيدي ومولانه..الحجه يتلكتنه
والدمع بالعين حاير يهمله

الدمع بالعين..للحسن وحسين..واهله الميامين
بالدمع والنوح واسي العايله

واسي الزجيه..بدمع الابيه..هاي المسيه
من الاسر زينب هلاجت والقافله

هاي العقيله..الصارت كفيله..رجعت الليله
لحسين جابت كل هله

بدمع الظليمه..تصيح واليمه..وياهه اليتيمه
سكنه عل ابوهه سايله

تسال الماشين..واهل الدواوين..عمي رحت وين
واسكنت من بعده الفله

رد الظعن..بيوم الحسن.. شفت الوطن
تبتدي بهاليوم قصه كامله

سهم المنيه..وسم ال اميه .. نجمع سويه
من ال اميه الحاقده والجاهله

خادم اهل البيت
ابو علي السعيدي

الشاعر الرائع
السيد عدنان الحمامي المحترم
مروركم اسعدني وفقكم الله لكل خير
منتمنيا لكم دوام التوفيق لخدمة القضيه
الحسينيه
تحيات
اخوكم
ابو علي السعيدي