مشيني ومشيك..ابوس اثنين رجليك؟حوار الزائرين اقول
 

مشيني ومشيك..ابوس اثنين رجليك
خادمكم ينادي..ابوسنه الايادي
امشي الزهره عليك

يالتمشي كصدت انته العقيله..روحي هايمه وكلبي دليله
حملك لو وكع انه الاشيله..غير حسين ماعدنه وسيله

هوه سلوة الروح..نمشي ونبجي ونوح
بااسم حسين اناديك

نمشيهه الدرب ياخويه وياك. اصيرلك عيون وانه بحماك
يرعانه الباري بكثر ممشاك ..ياصوت العذب بالروح هزاك
صوت حسين ناده..واحس روحي بسعاده
رغم كل التعب بيك
يزاير كاصد الكبه الشريفه..الك عباس فاتح كل مضيفه
بقائمة المشي اسمك يضيفه..وبخانت خدم اسم الوظيفه

اسمك هوه مكتوب..مقيد انته مطلوب
بس فعلك يوفيك

اصبح هالدرب درب الشهاده..ربينه عليه من يوم الولاده
وامي خلته مثل الكلاده..وسام عالصدر صارلنه عاده
بيدي رايه لحسين..بيه جفوف والعين
بيه عمل ينجيك
نسولف عالطفوف ونحجي الصار.. حديث الروح عنك ياابو الاحرار
عفناه الاهل وتركنه هالدار..واجينه اليوم ممشه كلنه زوار

اجينه وتهمل العين..وي هاي الملاين
بلهفه من نصل ليك

تعرف من وصل لحسينه جابر..جان اول موالي يكصده زاير
شم اتراب كبره وبجه من خاطر..صاح بصوت ابقه عالنهج ساير

عمري وكل الاسنين..اجيكم مشي يحسين
اظل عمري اباريك

خادم اهل البيت
ابو علي السعيدي

الشاعر الرائع
السيد عدنان الحمامي المحترم
مروركم اسعدني وفقكم الله لكل خير
منتمنيا لكم دوام التوفيق لخدمة القضيه
الحسينيه
تحيات
اخوكم
ابو علي السعيدي