:: منتديات السيد عدنان الحمامي :: - زيـنـب حـشـمـت عـباس گـوم عـل المسنايـه دخـيـلـك يا گـمـر عـدنان أنـت رافـع الـرايـه؟الى سدي الامام العباس ع اقول

زيـنـب حـشـمـت عـباس گـوم عـل المسنايـه
دخـيـلـك يا گـمـر عـدنان أنـت رافـع الـرايـه
****************

زينـب تنـتـخي وتـصيح عـباس البطل ويـنه
هـذا أبـن اليكـر النـاس وتـشهد عـنـده چـفيـنه
ظـل يلهـج بطـاري حسين ساعـه ودمعة بـعيـنه

يلا أنهض يخويه گـوم خـل الگـوم شچــايه
****************

گـوم أنهض عليهم صول خـويه سكـينه ضربوهه
سبيـّه ولا أراضي الشـام خويه سكـينه ودوهه
عل الهـزل يبو الكـلفات خـويه أشلون ركـبوهه
تصيح بصوت ياعـباس مامـش حـادي ويايه
****************

سارت والـدموع أنهار وسار الظعأن وياهـه
زينب شافت العباس شافـت حامـل ألواهـه
تـصد بعينهه وتنـوح سهـم البـين أذاهـه

تصيح بصوت ياخويه ترضه أنت بهايه
****************

زينب والگـمر عباس گـلي أشلون ساعته
معروفه الگـفيـله بهاي وي البطـل خـوته
من بعد الگـفيل أتصير هـيه العيله گـفـلته

زينب والگـمر عباس هـُمه الدكـو الثايه
****************
يا دم الگـفـيل السال بأرض الطف بـقه شاهـد
وصيه من نبي الرحمه لحيدر كـله يجاهد
وبلغ ياعلي العـباس وصيه بيـه أتـواعـد

عينه بالسهم تنصاب وچـفـه يـروح وي مايه
****************
يا يـوم الجـره لعباس زينـب صاحت أبـلوعه
يـوم الشافت وي الجـود عالمـشرعه مگـطوعه
چـفوف الگـمر مگـطوعات والـدم خـلط بـدموعه

زينب حزنت أبهل اليوم حزن أمهه والولايه
****************

يوم الطف بـقـه شاهـد بيه الـدرس والعـبره
بيه يحضر علي الكـرار وتهـل أدموعه الـزهره
ومثله هـالمصاب الصار أبـد بالـكـون ما يجـره
ثَـبـتـها الفحل عـباس وأبـد ما طـاحت الرايه
****************

لخادم أهـل البيت ( ع )
أبـو عـلي السعـيـدي