|
حمزه إو بيه الأمل ( في إستشهاد الحمزه عم النبي صلى الله عليه وآل )
بسم الله الرحمن الرحيم اللهم صل على محمد وآل محمد وعجل فرجهم حمزه إو بيه الأمل ( في إستشهاد الحمزه عم النبي صلى الله عليه وآله ) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ حمزه إو محـّد يوصل حـَدّه == ياهادينه حاضر ويـّاك إبكـُل شــــدّه == ياهادينه حمزه إو بيه الأمل === ثابت مثل الجبل ياهادينــــــــــه ــــــــــــــــــــــــــــــــــــــــــــــــــ ـــــــ حمزه المايهاب الموت == سيفــه يرعب الظالم حليف الحق ينادي إبصوت == وينــه اليكــــره الغانــــــم وينه اليكره المبعــــــوث == خل يطلع إلي إيهاجم على دينه أنــَه إبأيمان == يدري خالقي العالـــــم فـَنـّه اليوصل حد الهــــــادي == مـَيـْظـَل سالم سيفي إيطبره إو حيل إينادي == مـَيـْظـَل سالم ياخذ سيفي الجهل === ثابت مثل الجبل ياهادينــــــــه ــــــ حمزه من إبوه الخير == ما خذ كـُل عناوينه شجاع إو ما يـُمرّه الخوف == ثابت ما ترك دينـــــــــه تهابه الناس أبو الهــــــدّات == شرر ترمي إو جمـُر عينه عن حــَگــّه أبد مـَيـْحيد == نصــــر بأخلاص هادينه حمزه إو إسمه يهز عدوانه == ماينسونـه حمزه إو معروف إبأيمانـــه == ما ينسونه سيفه إيزيل الدجل === ثابت مثل الجبل ياهادينــــــه ـــــ حمزه الماتـِحدّه إحـــدود == فاضت شيمته الطيبات عزيمه إو زود روحه إتفيض == إديـــــــــه إتلوح بالخيرات واجه كـُل قريـــــش إو زاح == عن وجه النبي الكـُربات يحارب كل رجس ملعــون == على شرهم أبد مـَيـْبات حمزه إو ما يصبر عالباطل == وإيعرفونه للشر واجه دومه إيقاتـــــل == وإيعرفونه يفني الشر لو زعل === ثابت مثل الجبل ياهادينــــــــه ـــــــ تحـَدّه الموت والفرسان == شهاده إيريد بالميدان أبد مـَحـّد يواجه سيــــــف == أبو الغيره الأبي العنوان زلم تشرد ولاتلگـــــــاه == تهز ضرباته للأكوان حمزه إو بالعزم معروف == نصيـر الدين والأيمان حمزه إو محـّد يگرب يمـّه == وإيهابونه ناذر للحگ روحه إو دمـّه == وإيهابونه ما يتحمـــّل زلل === ثابت مثل الجبل ياهادينـــه ــــــ أسد الله إو رسول الكــون == حمزه الما تهزه أشرار غدر غدروه مــَيـــْگدرون == يلاوون الولـــــي الكفــّار والحســرات بالدلاّل == دلاّل النبي المختار والدين إنهضم مهموم == بعده المرتضه محتار حيدر فاگد سوره إو عمــــّه == حمزه الناصر حمزه اليدفع ضيمه إو همـّه == حمزه الناصر غاب الحامي البطل === ثابت مثل الجبل ياهادينــــــه ــــــــــــــــــــــــــــــــــــــــــــــــــ ــــــــــــــــــــــــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldsyq22034.mp3.html |
| الساعة الآن 12:10 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010