بويه من رحت لو بعد جيه؟لسان الحوراء ع ترثي الامام علي ع اقول
 

بويه من رحت لو بعد جيه
يخيمت بيتنه النكعد بفيه


بويه من رحت ناحت عليك الدار..وتبجي من صدك اكبارنه وي زغار
مو هينه علينه ياعلي الكرار..الله وياك بويه راشده النيه

الله وياك بويه مودع بهاليوم..وبشهر الفضيل البيه بويه الصوم
عيني حرمت يابويه تدري النوم..من بعدك ابو ماشوف تاليه

من بعدك ابو كلي اجيب منين..ومنو مثلك يحن عليه ياابو حسين
ياساس العداله مثبتنه الدين..انت البشدايد تحضر الجيه

انت البشدايد تعرفك صفين..يوم الطاح مرحب وانشطر نصين
وابن ود العبر مارجع تاه منين..ودفع هوه الثمن معباره الديه

اليوم الحزن جلجل لعد هاي الناس..وبوجه الحسن وحسين والعباس
من طاح الصميده التاج فوك الراس..ظلمت واغبرت ساعاته عليه

ظلمت واغبرت من طاح داحي الباب..ودمه السال منه وأنمله المحراب
وهامت بالفله تتناشد الاصحاب..واملاك السماء أتصيح محنيه

املاك السماء اتصيح راح الجود..يانهج الرساله الثبتاهه احدود
مثله ما انوجد وبعده ماموجود..وصي الله ورسوله حجه عليه

خادم اهل البيت
ابو علي السعيدي

ابو علي السعيدي

samsung

الاخ الرائع
والشاعر الحسني
والقلم الموالي
السيد الشاعر عدنان الحمامي المحترم
قلمك لاينضب اتمنى لك الاستمرار والتقدم بحق من كان الحق
مروركم الكريم وتواجدكم في صفحتي شرف كبير
اعتز به وفقكم الله لكل خير




تحيات
اخوكم
ابو علي السعيدي

الاخ الغالي
الشاعر الكبير السيد عدنان الحمامي المحترم
مروكم الكريم اسعدني كلمات الاطرارء الجميل وفقكم الله لكل خير
تحيات
اخوكم
ابو علي السعيدي