:: منتديات السيد عدنان الحمامي :: - هوسات لولادة الامام الحسين ع اقول

بِسْمِ اللهِ الْرَّحْمَنِ الرَّحِيِمِ

الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

هوسات لمولد الامام الحسين(ع) اقول

من تفرح الامه بمولدك يحسين
ياشمس العلينه ونور ضي العين
يمثبت نهجنه وناصره للدين
ويايومه افرح واتهنه
هل اهلال شخصك من اجه شعبان
ونور على الخليقه النور شع وبان
ابمولد املنــــــه القائد وسفان
وهلاله ننطر ونتاني
كل امه اتفاخر بالعلم واعلام
من بدء الخليقه لااخر الاقوام
وحكنه نفتخر بسادة الاسلام
وباولاده حيدر والزهره
ياسبط الصميده بمولدك هنيت
وحكك ياعلي بس الكم الواليت
وبجلمة نعم رددت من احجيت
تلكاهه وبدمي الجلمه

ياجلمة حسين الهزت الاوطان
الف كلا يكول ودوت الاركان
انطيك الدليل وعندي البرهان
عدوانه للحين تهابه
انزف التهاني اليوم والبشره
وهاي امة محمد تهني الزهره
وتهني الصميده وقائم العتره
بميلاده علكنه الزينه
افرح بالموالي وكــــوم وهني وياي
باسم حسين تهلج روحي وي اشفاي
يابلسم جروحــــي وانت اله ادواي
تشافني يالاسمك بلسم

من هلت انواره راح مني الخوف
والكم هل المسيه وحدينه اصفوف
ملاين البشر بالشيعه من تشوف
تحيهه هالليله لحيدر
هنينه بفــــــرح والزينه علكنه
والاف الالوف النـــــاس تنشدنه
ياهو اللي انولد اليوم سادتنه
بميلاده حسين اتبشر
هنتنه السمه والارض فرحانه
وشيعتنه مشي اتعنت لمولانه
تحي مولدك فرحانه دنـــيانه
فرحانه الناس لحيدر

خادم اهل البيت
ابو علي السعيدي