:: منتديات السيد عدنان الحمامي :: - زورا اجينه اليوم للكاظميه؟لسيدي ومولاي الامام الكاظم ع اقول؟وليد اللحظه

زوار اجينه اليوم للكاظميه
أنادي يامسموم يبن الزجيه
انعزي احن الكون وقائم العتره
ونحزن حزن يعكوب نحي هالذكره
المهم احنه انزور نوصل الزهره
والجسر ظلت دوم تجري العبره
شاهد عل اللي صار الله ونبيه
هلت دموع العين والكلب حزنان
للكاظم اتعنيت والكلب لهفان
كاصد ضريح الجود وببابه طمعان
ينطي امراده الزار ميرده خجلان
وينصر المهموم هم الدنيه
للكاظم اتعنيت انعه ام البنين
ونطالب احنه انصيح ثارات الاسنين
همه السفن للناس واوسعهن حسين
يعينه للمهموم ويكحل العين
ويشيل اهمومي عني بهالمسيه
نطالب احنه الثار من ولد هارون
شنهو الذنب سموه وجماله مسجون
نفدي الك هل الروح وياهن اعيون
خادم الك مولاي وانه الك ممنون
خادم الك مولاي حد المنيه
ندري السبب معروف ماخافي للناس
سم وكتل يكظون ياهيبة الراس
واجفوفه انطه وعين الفخر عباس
يبقى ويظل اسنين للعزه نبراس
تاج ويظل للدوم عز وتجيه

خادم اهل البيت
ابو علي السعيدي