:: منتديات السيد عدنان الحمامي :: - شفت اليوم مهمومه الزجيه..تشبح عينه عل الكاظميه؟الى سجين الخلود الامام الكظم ع للاستشهاد اقول

شفته اليوم مهمومه الزجيه..تشبح عينه عل الكاظميه

تصيح اوليدي مسموم..مات بسجن مظلوم

تصيح الله اكبر هالمسيه

اجتني بالحلم وتكلي تدري

اكتب هالكلام بوزن شعري

كظيته بالحزن والهم يعمري

وللمسموم انه انطية صبري

اريد الشيعه اليوم..تروح لكبر اتصوم

تزوره بحركه وتون بشجيه

يزاير توصل لجسر الايمه

وأكف عالجسر من بعيد شمه

وعاين عالمجان النزل دمه

وصيح بصوت ياظالم تسمه

وبلغ صوتي الكوم..ابني المات محروم

اريد ازيارة الكل سويه

اذا تدنه الصحن تلزم ضريحه

صيح بصوت والجلمه صريحه

هذا المات بكلوب الجريحه

يظلام العصر هاي الفضيحه

بسمه ابن الدعي يحوم..وهذا الخبر معلوم

وصه اولاده بهاي الاذيه

هارون اللعين شوصه ولده

عليك بموسى لوصارت الشده

من عنده الفرج والفرج عنده

بس الاهم اني اوصيك بعده

هذا امام معصوم..والدنيه اله اتكوم

بيه وامنت هالجعفريه

زهد هالدنيه كله وبايع الدين

مثل جده الحسين وابو السبطين

ابد عن حق يسكت يغمض العين

هذا العلم منه وصل للصين

دور اسئل الروم..واسئل كمر ونجوم

اسئل لوردت حتى الثريه

خادم اهل البيت

ابو علي السعيدي