:: منتديات السيد عدنان الحمامي :: - صوت زينب حشمت ها وصلو لحدي؟نداء الى عقيلة بني هاشم ع تنادي بيوم الاستشهاد اقول؟الان وليد اللحظه

صوت زينب حشمت ها وصلو لحدي
ربي عجل بالفرج وابطلعت المهدي
تبجي وحشمت دم نزلت الدمعه
تصيح اظهر يغايب ضاكت الوسعه
جيش اميه وال اميه أبابي مجمعه
كل جمعه اكولن تظهر الجمعه
وجم جمعه العليه تمر وتعدي
مرت الايام وانه بحركتي اتنطر
مره اصدن لبو فاضل مره للاكبر
ومره اصيحن يبو صالح يبني ماتظهر
جيوش اميه اتحاوطوني عليه هالتفتر
وانه مختنكه بعبرتي ودمعتي بخدي
خاف جدراني تطيح وينسلب خدري
ليش لحكتني المصايب وانه بكبري
بعد مااحمل هظايم ياعظم صبري
للكمر وصوفوله حالي خاف مايدري
ردت اجروح اللي بيه والجرح يدي
ظهظب العباس واغضب كله يازينب
انه عد عيناج يختي شحده اليكرب
انتي تعرفني يختي سيف المجرب
الا اذكرهم بحيدر من طبر مرحب
ادليلي يختي يزينب طلبتج عندي
لاتظنني نسيتج والدرب مبعد
احمل الدنيه بجناحي عليهم انه ارعد
اليوم احير الجيش بامر وين جا يشرد
مايهمني الناصبي شما تهد اتهد
الج عد عيناج زينب انه عد وعدي
شنهي جيش الحر يختي شنهي فرسانه
عليهم وخدرج يزينب من اصول انه
اضيع الشرده عليهم تيه بيبانه
اللي يبرزلي يختي ينخه دفانه
شما يحشدون النواصب انه لوحدي

خادم اهل البيت
ابو علي السعيدي