:: منتديات السيد عدنان الحمامي :: - انه الحره ياعباس انهض شمتاني؟الى سيدتي ومولاتي الحوراء ع اقول للاستشهاد؟وليد اللحظه

انه الحره يا عباس.. انهض شمتاني
الطف ردلي بيزيد.. وجيش السفياني
يردون الكبه ويردوني..يفلشون الحضره ويسبوني
انه الحره يا عباس انهض شمتاني
خويه عالجدران كتبو .. هاي زينب ماتظل
وانه بالغربه وحيده..وعيني ليكم يالبطل
اصد واندب وين اخوتي..وين ابوي انه الفحل
ايام سوده عليه مرت..خويه وصلالي الاجل
حشم جسام وي الاكبر..خويه عليكم ياهو اليكدر
حكي اتباه لو يمي اشوفن خواني
ياهو يقبل كبر اخيته.. ينهدم وبنصب غرب
كربله اهون عليه ..من هدم كبري غصب
خويه يردوني سبيه ..وبيدهم خويه انضرب
بخيمتي طوبو اميه ..وهسه جيش الحر يطب
ماتكعد خويه وتفنيهم..جيش الحر ولاحر بيهم
ولا حر بيهم كلمهم عبيد الشيطاني
تحاشمو كل ال اميه.. وروسهم تنكط بله
اليطيح بشده خويه ..وجوب تفزعله هله
واني اهلي وكل اخوتي.. بالنجف وبكربله
لكبري لحكتني المصاب.. دوم اظل معلعله
هسه بكبري ومارحموني..جندوب اتحمل يردوني
جندوب اصبر لو طاحت كبتي وجدراني
اصبر اجندوب خويه..وياكلب يحمل صبر
كربله ولوعته بيه..وخيمتي الصارت جمر
والارامل واليتامه.. وفوكهن ظيم اليسر
وهسه ردولي عل كبري.. يريد تهديم الكبر
يردون يسلبون بكبري..اكعد ياللي اجفوفك خدري
اكعد خويه ماتسمع وني واهاتي
عل الدروب عيوني صدت.. ومحد من اهلي فزع
وين ابو فاضل واخوته حشمت ياهو السمع
وين حيدر وين حمزه الصبر مل وجزع
وينه عباس الكفيل لعيني جفه من كطع
ماظن خواني ياجفوني..بالدمعات تهل عيوني
عباس انهض ياخويه واسمع جلماتي

خادم اهل البيت
ابو علي السعيدي