بسم الله الرحمن الرحيم
اللهم صل على محمد وآل محمد وعجل فرجهم

أمُّ البنيــــنِ ياعلـــي ( مجرشه ملمع )
ــــــــــــــــــــــــــــــــــــــــــــــــــ ـــــــــــــــــــــ
أمُّ البنينِ ياعلـــــي === همٌّ بها لاينجلي
ــــــــــــــــــــــــــــــــــــــــــــ
أم البنين الفاگــده == حانت مِنِيّتها اليوم
إحضر دفنها ياعلي == بـرّد گلبها الملچــوم
عاشت يحيدر خادمــه == ما جزعت إو تخدم دوم
رادت تِوَفـّي فاطمـــــــه == تدري إبوفاها المعلوم
أوْصَتْ بنيها بالفــــــدا === دونَ الحُسينِ في الردى
وقد وَفَتكَ ياولي === هــمٌّ بها لاينجلي
ـــ
أم البنين الطاهــــــــــره == رضعت ولدها الأطهار
حُب الحسين إو خدمتـــــه == حُب زينب إو عدهم صار
حُب لا أبد ما ينوصف == يشبــــــــــه وفاء الكرار
من إوفه طه المصطفه == يفدي إبدماءه المُختـــــار
مثلُ الحبيبِ المُرتضى === عباسُ في نيلِ الرضا
وفي رضاها يعتلي === هــــــمٌّ بها لاينجلي
ــــــــ
أم البنيـــــــــن العاهدت == إوفَت عهدها المعروف
ظل بالحزن طول العمر == تدري إبگلبهـــــا الملهوف
وَيْ زينب الردّت تــوُن == نصبت عزاها الموصوف
وإعيون ذوَبّها الدمـــــع == ما ظل يساعدها الشوف
أمُّ البنين الساهمــــــــه === تشكي الشجى يافاطمه
عنها بنيها إسألي === همٌّ بها لاينجلـــــي
ــــــ
أم البنيـــــــن إبلهفتك == إنخاها والهم إيروح
باب الحوايج لليحب == عدها الدِوَه للمجروح
ظلت تون كل العمــــر == تبچــي إو تنادي المذبوح
يحسين يبني حسرتــك == نص الگلب بيها إينوح
أبكي وقلبي في إسى === على مصابِهــــــــا رسا
وفي حياتي منهلي === همٌّ بها لاينجلــــــي
ـــ
أم البنين التنتظــــر == يدفن جسدها الأولاد
محّد حضرها إو تحتضر == يرجف گلبها إو ما هاد
وينك يسبع الگنطــره == إحضرها يابو الأمجاد
أمّك تريدك ياعلم == يمها تحل بالميعاد
إحضرْ لها ياسيدي === ثوبَ الرزايا ترتدي
بدمعها لم تبخلِ === هـمٌّ بها لاينجلي
ــــ
أم البنين الأربعــــه == رادت گمرها العباس
يحضر يشيّعها الشهـــم == ياخذ عزاها إمن الناس
معذور ما يگدر يجــي == گطعوا چفوفه الأرجاس
بس بالوفه فاق الوصف == صار إبوفـــــــاءه النبراس
والأمُّ نادتْ حيــــــــدرا === سهمُ المنايا قد جرى
وفي المآسي منزلي === همٌّ بها لاينجلــــــــــي
ــــــــــــــــــــــــــــــــــــــــــــــــــ ـــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldibu31816.mp3.html