ياللي هجمت عالدار وينه ضميرك..
ياللي هجمت عالدار وينه ضميرك بالحشر هم اتريد طه يجيرك ,,,,,, خصمك محمد **والزهرة تشهد 1- شلون اتريد غفرانه الخلق هالكون والبضعة رسوله الدارها اتكصدون دفعتو الباب اوَراهه فاطمة تدرون مسمار ابضلع مغروز ومحسنهه تطيحون ---- صاحت يبوية اتشوف هذا الجرالي من غدر هالظُلام اشتكي حالي """ ليلي تسهد**والزهرة تشهد 2- بلارحمة وديعة سيد الآنام ظلموهه سنن للحق سلب عمداً السنوهه الضلع موبس وصيته الهادي كسروهه وفدك هالكاع حزنت ليش نكروهه ---- صار الفكر محتار وعبراته تندب تنوح البتول ابآه والحزن يكتب """ حقي تبدد**والزهرة تشهد 3- مصايب ماتمر عالبال حاطتني عُكب عينك يبوية ادموعي سلتني نفوس الحقد من بعدك الجازتني يريت الآجل وافاني اوتاخذني ---- اخلص من اللجمات البعدعك شفتهه والدمع بالوجنات عيوني روتهه """ بنتك يااحمد**الزهرة تشهد 4- صعب هالموقف اوحيَر علي ابفكره يغيث اليكصده واشلون أذا الزهره يدري لو رفع سيفه باليحدث وباليجره اختار الله ابحبه اوحكمته ادره ---- ابصبره حمل آهات ونفذ وصيتك كونك يطه اليوم تنظر عطيتك """ صبره تخلد**والزهرة تشهد 5- قبل خلق البشر في ظلمة التكوين نور الزهرة وضواهه بنور الدين فضلها الطاهرة الحرة وهج للحين يحيف ابهالجزه تاليها تتجازين ---- سيدة نساء الكون بضعة نبينا حزنج فلا ننساه ايظل جرحه بينا """ نورِك تجدد**والزهرة تشهد 6- اذا صدري انعصر بالباب واحملته شلون ابكربلا اوصدر حسين ماشفته حوافر خيل نسل هالكوم رافسته يهون الضلع ابصدر ضنوتي اوهونته ---- نفس الصدر داسوه السبطك يطه والغدر بالآسلاف البنتك بداهه """ ضلعج تمجَد**والزهرة تشهد 7- ييمه اشلون بية لوتركتيني وجرح المرتضى اضماده ابدمع عيني وسم الحسن يتلاوه ابشراييني وهمي ابكربلا أعظم ياريتج تشوفيني ---- زينب تون واتصيح وينج ييمه ياضنوة المختار جرحي اش يضمه """ همي تجدد**الزهره تشهد --------------------------- نسألكم الدعاء خادم الزهراء (عليها السلام) زاهر المعموري |
زاهر المعموري
موفق ربي ايبارك في جهودكم احسنتم كثيرا http://www.wlidk.net/upfiles/bqx09646.gif http://www.adnanalhamame.com/vb/data...aQMJKXZJ0//9k= |
عظم الله اجوركم
بمصاب الزهراء ع زاهر المعموري http://www.p-yemen.com/highstar/arog...0%28129%29.gif http://www.p-yemen.com/highstar/arog...0%28142%29.gif |
اشكر مرورك الطيب سيد عدنان لك مني ارق تحية الله يديم عليك العافية والخير |
جزيل الشكر والتقدير للآخت الموالية خادمة الشفيع الله يحفظكم ويديمكم لخدمة الزهراء (عليها السلام) |
ياللي هجمت عالدار وينه ضميرك بالحشر هم اتريد طه يجيرك ,,,,,, خصمك محمد **والزهرة تشهد ************************* بسم الله ماشاء الله لو لم يكن الا المستهل لكان قصيدة بحدة ذاتها رائع ماخطته يمينك شاعرنا |
اخوي العزيز وشاعرنا الفاضل محمد ابورغيف نورتنا بتعقيبك الطيب ياطيب..موفق لكل خير بحق الزهراء المظلومة |
الساعة الآن 02:45 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010