:: منتديات السيد عدنان الحمامي :: - الى كل من تامر على بلد الاولياء( كلحنه عراقيين)اقول

رادوني ابيع الوطـن..واهلي وابيع الديـن
وانسه الولايه لعلـي..واترك ازور احسين
وتأمـر اعـل البلـد..وي الاجوهل الحيـن
والبس جلد مو الـي..وتزيـن بجلـديـن
وانكر ولايـة علـي..وانتسـب للطاغيـن
هيهـات لاوالنـبـي..لو تعمه عندي العين
همـه ولاة العـرش..ذخري الجنيته اسنين
المايحـب حـيـدره..ريته يطكـه البيـن
ولاشاف طعم الهنـه..ولايسعد بكـل حيـن
الشين معروف الـي..والزين حب الزيـن
حب الولي وعترتـه..وي روحي مطبوعين
يوم انكتبلـي عمـ..روانزلت بيهه اجنيـن
كلمن عرض تسميـه..والتسميـه باسميـن
كالـت امـي علـي..لو اسـم بالسبطيـن
واختـارو التسميـه..واكبرت صرت معين
سميت ابنـي علـي..نـذر وعليـه ديـن
وارجع بعـد للحجـو..فرقـو بيـن اثنيـن
واحد سكـن بالجبـل..والثاني بيته الطيـن
كل احنه ضكنه الاسى..وعشنه مهظومين
يجمعنه حب الوطـن..وبهمـه مهموميـن
ندعي العقليـه الـه..يسـلـم الباقـيـن
وتزول كـل محنتـه..ونجتمـع متخاويـن
لاسنـه لاشيعـتـي..احـنـه العراقـيـن
محروس هـذا البلـد..من كل لئيم وشيـن
محروس براية علي..يحمل لواهـا الزيـن
المادنكـت هامـتـه..وضحـه بالجفـيـن
محروس بحيدر علي..والزهره ام حسيـن

خادم اهل البيت
ابو علي السعيدي