:: منتديات السيد عدنان الحمامي :: - ايا خيل العده من رضتي..ظلع من بيت النبي كسرتي؟الى الخيل التي كسرت ظلع الزهراء ع اقول

ايا خيل العده مـن رضتـي..ضلع من بيت النبي كسريتي

ياضلع كسريتي ياخيل الخراب
طاحت الزهره ابعتبت البـاب
نبت البسمار والضلع المصاب
وانتي كلبج قاسي ما فريتي

قسوتج ندري من حادي الرجاب
هو العدوه ثاني من الصحـاب
طاحت الزهره وزادت بالعتاب
وانتي باللي جره ما حسيتي

منين اجيب احساس للخان الرسول
حجبوا البيعه من فحـل الفحـول
خانوا البيعه الما عدهـم اصـول
وانتي نفس الفعل هم فعليتي

يافعـل احجيلـك ورايـد اكـول
عل الجره لحيدر والزهره البتـول
بدار ابو الحسنين شو قرعو طبول
وانتي نفس الظلم هم ظلميتي

ياظلم اشرحلك وظيم الجـره
يوم ظك الباب ضلع الطاهره
هجمت الملعون هو وعسكره
وانتي نفس الخيل من هجميتي

انتي نفس الخيل الطاعت يزيد
وبايعت انذال همه من العبيـد
نسل ابن مرجانه ونسل الوليد
وانتي بااهل البيت ما رحميتي

هجمت الانذال نسـل الكافريـن
وقاتلت انصار واصحاب الحسين

مألفـه الاف ضـد المتقـيـن
وانتي بهذا الجرم شهديتي

انتي شهدتي من نفس الجـرم
وبين ضلع الزهره واخيام الحرم
وبين محسن طاح وراعي العلم
وانتي لجفوف الكمر حزيتي

انتي الحزيتي اجفوف الكمـر
والضلع كسريتي بالباب انسمر
انخاطب ابن زياد والظالم عمر
شاهده ليوم الحكم ظليتي

خادم اهل البيت
.ابو علي السعيدي