:: منتديات السيد عدنان الحمامي :: - ايا الهادي..اتظل بلادي ؟لااستشهاد الامام الهادي ع اقول

ايا الهادي ****اتظل ابلادي
يحرسه الكرار بروحه ......ويشوف اطفالي المذبوحه
تحشم وينك وتنادي

تحشم وينك يبن العتره...... شوف الايتام وعلتهـــه
دمعات واهات وحسره ......ولوعات الرهبه العاشتهه
جوع وذله وقصف وموت...... والماتعرف حد موتتهـه
واللي باعت كل ابلادي ......نفطه وباعت كل ثمرتهه

واللي يعالج بجروحه .......وبصدره يكتم نوحه
بسمك غرد طير الشادي

بسمك يامولانه انكوم....... نتحده العالم ونفــــــــوت
من قصفوا كبة مولانه .......نتذمر كل احنه بصـــوت
للذله هيهات اتحمل ......يم كبرك ياريته المــــــــوت
ندعي يوسف هم ويانه....... والسر الظل وي الحوت

نبني نعمر كل اصروحه...... وانضمد جزء من اجروحه
وتبقى بيه انت الحادي

يبقى الهادي علم ورايه..... يحضرنه بيوم الكلفات
بيهم كل الشيعه اتلوذ .....لو صارت هزه ونكبــات
عانينه واليوم انعاني .......كثر يالهادي الطكـــــات
لا واحد مد ايده وساعد .....وهواي اعلينه العيلات

واحدنه روحه مرجوحه .......بين الحضره وبين الدوحه
وهذا المنهج هوه السادي

منهج اهل البيت انحبه...... وياهم على الدرب انسير
لاهمنه الموت وغصاته ......ولاهزنه ارهاب وتفجيــر
تربات الهادي وعترتنه..... منهج روانه من البيــــــر
ابدا ماذبينه احجاره..... ولاا صبع للغير انشيــــــر

الوجه امكدر من نوحه .....عدنه سر انريد انبوحه
ذلتنه وحيف من العادي

ذلتنه من عدنه وبينـــــــه..... يبن العتره وهاي الامـــي
دخلت بينه اهواي اغراب .......امريكي وصهيوني وشامي
همهم تفريقي وتفريـــق..... همت ربعي وي عمامـــــي
رادو يوكف كون المركب..... جفيــن حيدر هو امامي

القصه هاذي مطروحه .....مبين بالتاريخ اشروحه
عزل اجبالي عن الوادي

تعزل بينه اتريد ابلادي .....وتحقق حلم الكفـار
حفنت انذال ومأجوره .....تبيع الوطن بلايه انذار
يالهادي وينك نادينه..... خل يحضر هسه المختـار
الكم ندعي يامولانه .....نهتف وينك حامي الجـار

تهدم سو الدار وسوحه .....والعالي بغيرك شيلوحه
الغوث الغوث الكم ياجدادي

يالهادي رايد دعواكم .....كون اتشافي كل امريــــض
وتصلح وتعود الغايب .......وتزيل من الروح الغيــض
بيكم تتحقق احلامي...... وبيكم يزداد النه الفيـــــــض
دعوه الكم من الوصاني .......تتحق بفلول الكيـــــــــض

اتشافي كل المجروحه ......واخواني تصبح مصلوحه
هاي الطلبه هي امرادي

خادم اهل البيت
ابو علي السعيدي