:: منتديات السيد عدنان الحمامي :: - اليوم يا شيعه نعزيهه البتول؟لااستشهاد الرسول الاعظم ص اقول

اليوم ياشيعه نعزيهه البتول
بالدمع والنوح بمصاب الرسول

بالدمع والنوح نعزي فاطمه
خل تهل ادموعنه بحركه الدمه
ويانه ناح الكون مفجوع السمه
بالمصاب اليوم دنيانه تكول

المصاب اليوم ذكره مؤلمه
عالفحل حيدر حماي الحمه
هذا سيدهه الرسل والخاتمه
اليوم دنيانه صابها الذهول

اليوم مفتوحه الشفاعه والثواب
وبيه كون تريد تنجه من الحساب
احضر التشيع وردد هالجواب
انعزي الزهراء وي فحل الفحول

عزي الزهره وارخص دمعتك
واطلب امرادك منه وتوبتك
وعزي داحي الباب كله بحضرتك
وكفت عالباب تترجه الحلول

وكفت عالباب وتعد السنين
تريد حسن الخاتمه وي المرسلين
انت نور الله بل انت اليقين
وانت عين الله بل انت الاصول

انت عــين الله ياســـــيد البشر
تحمي كلمن بيك لاذ من الخطر
يرفع ايده لونـــوه وراد السفر
يرفع ايده يصلي عالهادي ويكول

الصلاة عليك واجب بالشرع
انت لااهل البيت يااصل وفرع
المايصلي عليك لازم ينردع
المايصلي عليك ماله كل قبول

خادم اهل البيت
ابو علي السعيدي