:: منتديات السيد عدنان الحمامي :: - عمي جعفر الطيار..وابوي حيدر الكرار؟لسان الامام العباس ع اقول

عمي جعفر الطيار..وابوي حيدر الكرار
امي فاطمه الحره..هدتني لفاطمه الزهره
تكلي تنصر الاطهار

عمي جعفر ونعمين..واخوي البطل انه حسين
اقدمله فده هالعين..وارخصله انه الجفين

ويرخص عمري لعمره..واخلي العده مطشره
واسوي الصار والمصار

اكلب كربله صوبين..واعيدنهه بدر وحنين
مثل عودي ابو الحسنين.. اعيدن سيرت الماضين

اخلي النار متوجره..وخلي الزلم متحيره
وخلي تلطم الكفار

يوم اتعنه انه السوح..اخلي العده كله اتنوح
وبسيفي اطلع الروح..لو ينملي جسمي اجروح
اخلي كاعهم حمره..ويظل متحير باامره
يوم انصول عالاشرار

يوم الادخل الحومه..يشرد ياهو ال نرومه
كله تصيح مهزومه..عندي هاي معلومه

يطيح بسرعه من قهره..وينسى سيفه ومهره
ويشرد يختل بهالدار

يشرد يختل وخايف..اشوف الويل ماشايف
هو بحقي من عارف..انه بحيدره حالف

اخلي بكلبه الحسره..واظهر اكسره ظهره
ويشهد ربي الجبار

يوم الاطب للميدان..يشهد ربي والقراءن
اخلي اتصيح هالفرسان..طبله كمر عدنان

فديت اليمنه واليسره..فدوه لزينب الحره
يشهد سيفي البتار

خادم اهل البيت
ابو علي السعيدي