وفاة الحسن المجتبى ع -- راح اشگ لحدي واجيك بجرح راسي يالحسن
راح اشگ لحدي وأجيك بجرح راسي يالحسن -- يبني سم الجرح چبدك من بعد كل المحن آه يبني -- آه يبني -- صوت من صوب الضريح المندفن برض النجف -- صوت وشيحمل الصوت ابجرح راسه اللي نزف يبني تدري اصواب راسي نزفه مالحظه وگف -- ولاضلع امك الزهره ولاجرح راسي شفه آه يبني -- آه يبني -- يبني سم النال چبدك بيه احس چبدي أنگطع -- وذكرت ضلع الزجيه ومحسن المنها وگع همّه نفس الناس يبني الحاربوني أهل البدع -- حرفوا نهج الرسول او رجعوا وعبدوا وثن آه يبني -- آه يبني -- يالحسن بيك ادري يبني ضدك أمن أتآمروا -- يبني صار الدين سلعه بسمه باعوا وأشتروا گبلك آنه أنطبر راسي يالحسن بيّه اشتفوا -- ردوا وشربوك سمهم عادوا ايام المظن آه يبني -- آه يبني -- يالحسن امك شفتها اشلون حگها ينسلب -- بعد ماودّع الدنيه جدك او ذنبوا ذنب سطروا الزهره اعله خدها أبّابها نار وتشب -- ,عصرة الباب وصدرها اضلوع منه اتكسرن -- بيك يدرون انته يبني للنبي روح ونفس -- وأنته ريحانه المحمد وانته للامه شمس چنت من تگعد بحجره جدك براحه يحس -- اليوم وبگبره محمد لجلك اعيونه بچن آه يبني -- آه يبني -- اليوم ينتظرك محمد يبني وأمك تنتظر -- اتشوفه لساعه ضلعها يالحسن ماينجبر الگطع چبدك من محمد شنهو شيقدم عذر -- ناس معدومه الظماير ناس بس عدها الفتن آه يبني -- آه يبني ---- سيد عدنان الحمامي |
احسنت كثييييييييييييرا سيدنا الجليل قصيده جدا جدا جدا جدا جدا جدا جمييله وفي قمة الجمال حشرنا الله وياك مع محمد وآل محمد ص مع تحياتي ودعائي |
السلام على كريم اهل البيت
الامام الحسن المجتبى عطر الله انفاسك الحسنية سيدنا الجليل وادامك الله |
خادم خدام الزجيه خادمة الشفيع الف شكر للمرور الطيب ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
جركم على ابا محمد شاعرنا الكريم ورفع مقامكم
وحشركم مع آل البيت عليهم السلام. ونسألكم صالح الدعاء بحق الحسن -عليه السلام |
شجون الزهراء الف شكر للمرور الطيب ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
الساعة الآن 01:40 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010