:: منتديات السيد عدنان الحمامي :: - فتحت الكم انه داري..هلا بيكم يزواري؟لسان حال خدام الحسين ع اقول

فتحت الكم انه داري.. هلا بيكم يزواري
ننتظرك تجي هالحين..تفضل يالتزور حسين
هلا بيكم يزواري

هلا بيكم يمشايه..جيت ورافع الرايه..فزعت كل الولايه
هيه تعزب الصوبين..وتنذر هالعمر لحسين
تصيح الزهره انصاري

بات ابيتي يازاير..امشي عليك كل ثاير..عيني عالدرب حاير
تنتظرك ينور العين..احلفك انه بالجفين
واحلفلك انه بالباري

احلفك انه بالعباس..وبدمعك وكل احساس..تدخل داري يبن الناس
ماسئلك انت منين..الكم خادم من اسنين
لاأن حسين معباري

نتذكر حبيب وجون..والحر نذكر وي عون..بحبكم سيدي مجنون
تنزل دمعتي بالعين..تتذكر اهي الجفين
ويظل دمعي عليه جاري

تفضل بيتي هالمفتوح..واقدم الكم انه الروح..ومن جرحك اشل اجروح
جرحك باقي بيه الحين..يصيح بصوت ايا حسين
تحمله الجرح زواري

تحمل هالمشي ايام..ومن بعده نظل نحتام..احنه من نشيل اعلام
نواسي كطعت الزندين..وسهم الجبد ثاني اثنين
نواسي اليوم احراري

نواسي حسين والزهره..نواسي زينب الحره..نواسي اليوم ونصره
يطوف الحجه بالماشين..وينظر للخدم صوبين
شاهد يظل عالجاري

خادم اهل البيت
ابو علي السعيدي