:: منتديات السيد عدنان الحمامي :: - ينادي حسين بيكم هله بزواري؟ لسان حال زوار الامام الحسين ع اقول

ينادي حسين بيكم هله بزواري..عل درب المشي من يطلب بثاري
شدينه الحزم وارفعنه الرايه..واحملنه الحزن بكلوب مشايه
والرايه ومشيكم تظل تذكاري

تحدينه المصاعب مايهمنه الخوف..اجينه واعتنيه والكلب ملهوف
تعاهدنه الك زوار هاي اصفوف..نريد بحضرتك مولاي احنه انطفوف

اجتكم من جنوب الارض تمشيله..تطوي هالدرب بنهاره وليله
تصيح الزهره بيكم هله باانصاري

مشت لحسين اطفال ونسه صوبين..والشايب لبس داشداشه وحزامين
يصيح بصوت جينه انصارابو الحسين..واحدنه بالف ينعد من السبعين

رغم كل المخاطر اجت وفايه..شالت كل مدنه اولايه اولايه
مثل دمعي يسيل الماي بنهاري

دموع العين صبت والكلب مالوم..تتلكه العقيله والكلب ملجوم
عادت من سبيه بظهر هذا اليوم..كومو يالربع نتحاشم وي الكوم

كومو يخوتي هاليوم ويايه..نسكي بالعطاشه شربت المايه
وتتواصل خدم اخواني وي جاري

علكنه المتاع اباب كل موكب..ننتظر اليزور ايام من نحسب
نتراكض خدم للزاير ونطلب..مواكب والبيوت بخدمتك ننصب

يازاير تعرف اشجانت البدايه..انطت هالجفوف ومشت عنايه
روايات الزمن ينقل واخباري

بزمن من العهود الفانيه الظلام..ديه عل الزياره يدفع بكل عام
خوفهه المشي وشكالت الحكام..ينطي الايد كلمن كاصد الامام

كطعو هالجفوف وشالو الرايه..انشدة عالبطن بحزام مشايه
واجو رغم الذبح والصار والجاري

اجو لحسين رغم اللي جره والصار..ماقبلو الذله ولارضو بالعار
دخلو عاليضدهم وسحكو عل النار..بس جلمه حزينه نخطة عالدار

اهل الدار راحو الهه شجايه..متى يكولون تحضر النه مولايه
عفنه الدار احنه بحفظت الباري

خادم اهل البيت
ابو علي السعيدي