حاجيني حاجيني..ارد اودعك يبو سكينه؟لسان حال الحوراء ع اقول
 

حاجيني..حاجيني..ارد اودعك ياابو سكينه

اوكف اليه..الوصيه..من امك حسيني
وصتني اشمك..اكلمك..ياضوه عيني
كالت امانه..لزمانه..وصيت اسنيني

وصيني وصيني.. خبر من امي الحنينه

وصتني الزجيه..بوصيه..ماكوال ناصر
يعتني الكوم..مهموم... وكلبه الحاير
يصيح عباس..الارجاس.. هاي العساجر

ناديني ناديني..انزل عالمهر ياخويه حاجينه

ادريه ظروفك..والوفك..لجن اعذرني
ياخويه السهام..بالخيام..همي كاتللني
هذا انني..حنيني..عليك يسالني

تدريني تدريني..يوم الدارت علينه

انت مهجتي..فرحتي..انت مولانه
من انت غايب..عجايب ..تغيب دنيانه
كلبي تفطر..تنطر..روحي حزنانه

أذكرني ,,أذكرني اذكري خوته وعينه

بالهم والاذيه..سبيه..اليوم يخواني
بيكم جروحي ..ونوحي ..ابين عدواني
لاجن شبدي..عضيدي..خويه بجاني

توصيني..توصيني.. زينب اختي الزينه

امسح دمعتي..بغربتي..احسه اتكربت
من كتلي رايح..جوانح..مهجتي اتصوبت
ارحم غربتي..ودمعتي..بعيني اتغرغرت
تناشدني..تناشدني.. يالوالي ظلت حزينه

خادم اهل البيت
ابو علي السعيدي

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي