:: منتديات السيد عدنان الحمامي :: - هاي الاكبر..طيب لميدانه..حيدر عنوانه؟؟للامام علي الاكبر ع اقول

هاي الاكبر..هاي الاكبر
طب لميدانه..حيدره عنوانه
هاي الاكبر..هاي الاكبر

وعيون اتشوفه..حيدر بالكوفه..رداهه سيوف..ردهم طغيانه

من طب للحومه..حيدر بعلومه..شوفه انجومه..حيدر بلسانه

وكفتله تنادي..كرار الحادي..كومو يااولادي..كومو ويانه

هاليوم الزهره ..بيكم مفتخره..للصب العبره..ويلطم عزانه

هاليوم افنيهه..من طب راعيهه..كام يناديهه..فنه اليدنانه

فرقه الجيمان..طشره الفرسان..بجاهه العدوان..الجلب باركانه

من شافه سكينه..صدتله بعينه..كال اختي الزينه..بهمي حزنانه

يالعمك عباس..فرقه الارجاس..وكطعه الانفاس..هجت هيمانه

زينب مهمومه..تنظر للحومه..وتريد علومه..وتكول ارجانه

وحسين يشوفه..من بان كسوفه..ياجرح يروفه..جرحك بمجانه

لن كلبي مزرف..من جرحك يالطف..يالدمك ماجف..دمك بدمانه

يالدمك غالي..انت ابن الوالي..لو تعرف حالي..حالي الفكدانه

فكدك ماذينه..مااظن ناسينه..ليك تعنينه..سجله اسمانه

خادم اهل البيت
ابو علي السعيدي