|
وفاة الجواد ع --- بطوس الرضا ينعاك -- يوليدي الله اوياك
المستهل -- بطوس الرضا ينعاك -- يوليدي ألله أوياك يبني الجواد أتروح -- مثلي الچبد مجروح يوليدي الله اوياك -- من چبد بالسم تگطع من غريب أمفارگ أبنه أمن الرضا لأبنه الجواد الرايد ابلهفه يحظنه والألم من سم دليله بدمعة اعيونه يسكنه هوه هم مثله غريب ويدري هاي الغربه محنه ياغربة الاوطان -- شتعذب الانسان ايظل بس جسد لاروح -- مثلي الچبد مجروح يوليدي الله اوياك -- عالرضا قبل الجواد وقبله عالكاظم مصيبه أتغرّبوا تركوا وطنهم كل محب فارگ حبيبه مارحم بيهم قدرهم كل چبد يسعر لهيبه والذي يختم حياته اجنازته تصبح غريبه الكاظم سجن وقيود -- لهله النعش ميعود ظل عالجسر مطروح -- مثلي الچبد مجروح يوليدي الله اوياك -- امصيبه فوگ أمصيبه مرّت عالهواشم مامثلها فاطمه المعصومه ظلت بالغرب لايم اهلها وزينب العاشت مصايب دمعه عالدمعه تهلها لو رقيه وراس ابوها اتعيش عگبه ما مهلها لو بالبقيع اگبور -- محرومه حتى النور أچبود ودمع مسفوح -- مثلي الچبد مجروح يوليدي الله اوياك -- ياجواد الامه انته للمراد أكبر وسيله انته باب الرحمه انته انته للتايه دليله والطلب منك طلبته اتفرحه اتبّرد غليله عدنه طلبه ردنه منك شافي ارواح العليله يالتكرم الوفاد -- منك نريد أمراد الغيرك ابد منروح -- مثلي الچبد مجروح يوليدي الله اوياك -- انتو باب الرحمه ربكم عالبشر انزل رحمته بيكم الباري رحمنه وتمم اعلينه نعمته والذي يذرف لجلكم دمعه تشفع له دمعته شمعه وبگبره تضوي وعينه مسروره بوحشته انجدد عهد هاليوم -- نخدمكم انظل دوم والشارك بهل النوح -- مثلي الدمع مسفوح يوليدي الله اوياك -- سيد عدنان الحمامي |
الله على هذه القصيدة الرائعة دائماُ انتم في مقدمة
جزاكم الله خيرا الجزاء |
احسنت جزاك الله خير الجزاء سيدنا
|
قصيدة رائعة وحزينة
لقد ابكيتنا سيدنا بارك الله فيك وجزاك الله خير الدنيا والاخرة |
جميل جدا جدا جدا جدا جدا هذه الأبيات في حق الامام محمد الجواد روحي له الفداء واسئل الله لكم الدوام التوفيق والسداد في هذه الخدمه الجليله والمباركه تحياتي ودعائي |
عظم الله اجركم واجرنا والامة الاسلامية بمصاب الامام الجواد عليه السلام[SIZE="6"][COLOR="Black"]
|
طرح أكثر من رائع
عاشت الايادي دمتم بهذا التألق والتميز تقبلوا مروري |
قصيدة رائعة بحق الجواد عليه السلام
دمت بخدمة اهل البيت عليهم السلام احترامي سيد |
احسنت كثييييييييييييرا سيدنا الجليل قصيده جدا جدا جدا جدا جدا جدا جمييله وفي قمة الجمال حشرنا الله وياك مع محمد وآل محمد ص مع تحياتي ودعائي |
| الساعة الآن 05:42 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010