خل تلطم شيعتي يعزوني..من دفنت حسين نور عيوني؟لسان الحوراء ع تخاطب الموالين؟اقول
 

خل تطلم شيــعتي يعــزوني
من دفنت حسين نور عيوني

من دفنت حسين يااعظم مصاب..ناحت اركان السمه مثل الرباب
يالله ياشيعي سمعني الجواب..من تصيحو بااسمهه اتبجوني

عيوني تبجي مثلك تهل الدمع..وينزف الدلال دم ومنشلع
اليوم ابو الزهراء يبجي منفجع..يوم شاف العده ويسبوني

يوم شاف العده تحرك بالخيم..وشاف جف الطاح ماهد العلم
وشاف جبد حسين وبنصه السهم..صاح صوت اشلون ويفجعوني

صاح صوت وتسمعه كل المله..وناحت اركان السمه وبكربله
كال زينب تنسبي والعايله..والاطفال اشكثر ويألموني

الاطفال الهجت بهاي الارض..اليوم يخواني من حل الفرض
نلطم عالراس بيهم ونتعض..من ابو السجاد درس انطوني

يادرس عباس وبيوم الطفوف..يوم صال عالعده فرق صفوف
السهم بالعين وانطاهم جفوف..وبعزاكم شيعتي تذكروني

خوة العباس هاي احسن مثل..كتبت التاريخ في اروع محل
بيه نكر الذات خالي من الزلل..اليوم حلت دفنته راويني

خادم اهل البيت
ابو علي السعيدي

طيب الله أنفاسكم وبوركت أناملكم الولائية ..
قصيدة جداً رائعة ...
أسأل الله أن يكتب لكم بكل حرف بيت في الجنة ..
خالص شكري لكم ..
وبإنتظار جديدكم المتألق دائماً ..

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي