:: منتديات السيد عدنان الحمامي :: - لا ويــــن شايـــــل يا إمـــام الجعفريــــة .

بسم الله الرحمن الرحيم
الحمد لله تعالى رب العالمين .
اللهم صل على محمد وآل محمد الطيبين الطاهرين
صلى الله عليك يا مولاي يا أبا عبدالله الحسين .
السلام عليكم ورحمة الله وبركاته .

قصيدة متواضعة لرثاء مولاي الإمام الصادق (ع) .
الطور : فــــــــائــــزي .

لا وين شايل يا إمـــــام الجعفرية
والله إبرحيلك طاحت أركان العليه .

لاوين شايل يالفخر يمشـــيد الديـــن .
بعدك ترى يبجي العلم وينــوح السنين.
والله إفجعت ركن الإمامة ياضوه العين .
لاوين رايح يالجنت شمس المضيه .

يالصادق ونار الكَلـــب ما تنخــمد يوم .
اعليكم يشب دلالي ناره ابجمر مضروم .
والروح تنحب دايم اعله الراح مسموم .
الصادق أو جرح الكلب علـتــه خفيـــه .

ما بطّل إنياحي عليــك أو أنســه لالآم .
شلون أنسه جرحك والهضم وآلام الأيام
لو انسه كبرك بالحقـــد هدمــوه ظلاّم .
لو أنســـه جبدك يا إمـــامي وهالرزيـه.

والله فجيـــعتكم يسيـــدي أتشيّب الراس .
وظلــم الجره إعليكم أبــد ما إله مقيــاس .
دمعــــي يهـــل والكلب مالوم الإحساس .
عالصار بيكم من هضم جــور وآذيــــه .

والله مصابك يالولـــي يصعب علينه .
او كبرك ترابه يكسر الخاطر وليــنه .
ومـن وره شباك الظلم انسلــم غدينــه .
نلمس ضريحــك يمته ياروح الزجيـه .

22 / 8 / 2012 م
3 / شوال / 1433 هــ .

خادمة الإمام الحسين (ع) : دُمــــــــوعـــي حُسيــنيــــة .