:: منتديات السيد عدنان الحمامي :: - ولادة الحسن المجتبى ع -- موال -- امس جان الحسن لو غاب

:: منتديات السيد عدنان الحمامي :: (http://www.adnanalhamame.com/vb/index.php)

- اشعار الحمامي للأفراح والمواليد (http://www.adnanalhamame.com/vb/forumdisplay.php?f=45)

ولادة الحسن المجتبى ع -- موال -- امس جان الحسن لو غاب

امس چان الحسن لوغاب كل معوز يظل محتار لغيابه

امس چان الفقير ايلوذ بهل الكرم سهم العوز لوصابه

كلها تنتخيله ابساع فد فزعه تصول ابحگه طلابه

امس كلمن يصيبه الضيم وضنك العيش منه ايرگع اثيابه

يمد چفه الكريم ابساع گبل مايوصل المعوز لعد بابه

امس چان العفيف ابخير ساتر عفته والعفه جلبابه

اكو من تنشد اعله الحال ناس امحمله الخيرات لعتابه

شجاها اليوم بعض الناس واحدهم لبس للبخل جلبابه

غفت عين البخيل ونام وخد ذاك الفقير اتوسد اترابه

نسينه الحسن ظهره الچان يحملها العطايا الفقره احبابه

----------------- سيد عدنان الحمامي

رووووعه سيدنا الجليل

عطر الله انفاسك بعطر رياحين الجنه

http://www.hanein.info/vb/imgcache/1...anein.info.gif

رائع ما سطر قلمك المبارك سيدنا الغالي

دمت متالق

اللهم صل على محمد وعلى آله الطيبين الطاهرين

السلام عليكم ورحمة الله وبركاته
طيب الله انفاسكم وادام توفيقكم

احسنت اومیه الف احسنت ....
صح السانک وطیب الله انفاسک .....