:: منتديات السيد عدنان الحمامي :: - ولادة الزهراء ع -- وياك اخذ زاد بعيد السفر

بسمه تعالى

سلام عليكم

--

--

--

وياك اخذ زاد -- باجر سفر باجر سفر

بحب الزجيه -- ماكو خطر ماكو خطر

للمحب تحظر بالكبر -- تشّفع ابيوم الحشر

وياك اخذ زاد -- باجر سفر باجر سفر

--

يامن اتريد الغانمه بهاي الدار

وبالحشر تخلص من عذابات النار

اتمسك بحب فاطمه وحماي الجار

ماتنفع اهناك الك كل اعذار

ماتخلص اهناك -- يوم الفزع يوم الفزع

كل وكت ابدي -- بحبها الطمع بحبها الطمع

واكظي بخدمتها العمر -- تشّفع ابيوم الحشر

وياك اخذ زاد

--

فاطمه هيه الدين هيه الايمان

خير النساء اعله الانس واعله الجان

فاطمه بالآيات خصهاالرحمن

واللي جحد حقها ابمماته خسران

من عدها الاطهار -- اطيب ثمر اطيب ثمر

واثنعش معصوم -- كلهم غرر كلهم غرر

اتفوز بموالات الطهر -- تشّفع ابيوم الحشر

وياك اخذ زاد

--

الينكر فظلها بعد لايتعبد

اعمه بصيره وقلب والعين ارمد

امن اهل الظلاله وبجهنم ينعد

فاطمه الكون المايحده كل حد

والملك جبيريل -- بيها افتخر بيها افتخر

بخدمتها مسرور -- دون البشر دون البشر

طاعتها مفتاح النصر -- تشّفع ابيوم الحشر

وياك اخذ زاد

--

كل الجحدها اهناك باجر مسؤؤل

اليبذر الخير الخير يجني المحصول

لا بالكلام الفارغ السانه ايطول

فاطمه هي بظعة اشرف مرسول

اعزيزة محمد -- مهجه اله مهجه اله

من عنده بضعه -- ومدلله ومدلله

النه امان بكل عصر -- تشّفع ابيوم الحشر

وياك اخذ زاد

--

والي يضدها يخسر الهل الدارين

اسود وجه بالحشر حزنانه العين

وفاز الذي السانه لج بأم حسين

هيه الذخر والشافعه بيوم الدين

هيه الشفيعه -- بيها التزم بيها التزم

حبها نذيعه -- ويه النسم ويه انسم

الحمد لله والشكر -- تشّفع ابيوم الحشر

وياك اخذ زاد

-- سيد عدنان الحمامي