:: منتديات السيد عدنان الحمامي :: - يابو الرضا / علي كاظم الحصناوي

يابو الرضــــــــــا اتعنيناك باب الحـــــوايج جيناك
***
يبن الهداة الطيبــــــــــــين جينه لحضــرتك خطار
صرنه ابحر ومتيهـــــــين ضكنه الوكت بالأخطار
بالشده نگصـــــــــد لاوين يمــــك يبن حامي الجار
ونته الامل نترجــــــــــاك بــــــاب الحوايج جيناك
***
انته الامل والمطــــــــلوب ونته الورد للعطشـــــان
شامــــــــخ بقيت ومهيوب رغم السجن والسجـــان
ومنك تعــــــــــــــلم أيوب درس الصبر والايمــان
بكثر الصبر والايمــــــان باب الحوايج جينــــــاك
***
صبرك يظل يامسمـــــوم منه العبر والامــــــــثال
يروي ويوضــــح علدوم شلون انتصر علأغــلال
قصه وتعــــــاود كل يوم قدوة ودرس للاجيــــــال
تلهج تظل بطــــــــرواك باب الحوايج جينـــــــاك
***
سجنك نهج للاحـــــــرار صرخه وتزلزل ظـــلام
ثورة ويــــــــــــولد ثوار تكثر تزيد بكل عـــــــام
تاخذ دروس الاصـــــرار بحال الشــــدد ما تنضام
للعزه تمشي بممشــــــــاك باب الحوايـــــــج جيناك
***
مهما الزمن بينـــــه ايدور نبقه علــــه دربك ماشين
قدمنه للموت صــــــــدور كلنه ابفخــــــــر متباهين
بدمانه وفيــــــــــــنه نذور فوگ الجســـر متواصين
بدمنه الجره واسينـــــــاك باب الحوايـــــــج جيناك
***
يابو الرضا وانته تشــوف شيعنه نعشـــــك بالروح
للموت صفينه صـــــفوف تواعدنه ويـــــاك نروح
ويانه صرت انته تطوف علشيعه گمت انته تنوح
وهلمنظر شگــــــــد أذاك باب الحوايج جينــــــاك
***
خادم الامام الكاظم (ع)
علي الحصناوي